Znajści mašynu ź niezvyčajnaj afarboŭkaj kuzava davoli ciažka. Dniami takuju vystavili na prodaž u Baranavičach, piša bar24.by.
Na papularnym aŭtasajcie pradajuć mašynu, jakaja svajoj afarboŭkaj vyłučajecca na fonie astatnich. Dziakujučy niezvyčajnamu dyzajnu aŭtamabil vyhladaje jak sa staronak komiksu. Chacia pa fakcie heta zvyčajnaja Skoda Fabia 6Y.
U abjavie dajucca ŭsie techničnyja charaktarystyki aŭtamabila — 2000 hod, miechanika, 1,4 ł bienzin (mietan), prabieh — 346281 km. A taksama apisvajecca, jakija pracy ŭ mašynie rabilisia i jakija raschodniki mianialisia.
Adnak aproč hetaha aŭtar abjavy daje adkaz na najvažniejšaje pytańnie, jakoje moža paŭstać u žadajučaha kupić takuju «mulciašnuju» mašynu.
«Kali vas cikavić momant: «A jak na joj jeździć, što DAI skaža? Jak techahlad prajści?» Koler zarehistravany aficyjna, zamienieny techpašpart. Techahlad projdzieny paru dzion tamu, tamu ŭ hetym niama nijakich prablem», — havorycca ŭ abjavie.
Za svaju niezvyčajnuju mašynu ŭładalnik prosić 19984 rubli abo kala 6000 dołaraŭ u ekvivalencie. Aŭtar abjavy dadaje, što z prodažam mašyny nie śpiašajecca.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary