Vierahodny rasiejska-biełaruski referendum pa kanstytucyjnym akcie staŭsia hałoŭnaj temaj siońniašniaj sustrečy ŭ Miensku lidera abjadnanych biełaruskich demakratyčnych sił Biełarusi Alaksandra Milinkieviča z pradstaŭnikami dyplamatyčnaha korpusu šerahu eŭrapiejskich krainaŭ, akredytavanych u Biełarusi.
Vierahodny rasiejska-biełaruski referendum pa kanstytucyjnym akcie staŭsia hałoŭnaj temaj siońniašniaj sustrečy ŭ Miensku lidera abjadnanych biełaruskich demakratyčnych sił Biełarusi Alaksandra Milinkieviča z pradstaŭnikami dyplamatyčnaha korpusu šerahu eŭrapiejskich krainaŭ, akredytavanych u Biełarusi.
Lider abjadnanych demakratyčnych siłaŭ źviarnuŭsia praz dyplamataŭ da ŭradaŭ eŭrapiejskich krainaŭ z prośbaj «nie čakać daty pryznačeńnia referendumu, a ŭžo ŭ najbližejšy čas vypracavać adzinuju pazycyju dziaržaŭ Eŭropy pa niepryznańni vynikaŭ referendumu».
Svaju pazycyju Alaksandar Milinkievič patłumačyŭ tym, što ŭ siońniašnich biełaruskich umovach nielha raźličvać navat na minimalnuju abjektyŭnaść i prazrystaść vynikaŭ referendumu.
«Va ŭmovach tatalnaj manapolii dziaržavy na infarmacyju bolšaść biełarusaŭ nia zmohuć atrymać usioj infarmacyi pra realnyja pahrozy referendumu i pra niebiaśpieku straty Biełaruśsiu niezaležnaści j suverenitetu. Siońnia taksama nie jsnuje realnych mechanizmaŭ kantrolu hramadztva za padrychtoŭkaj i pracesam hałasavańnia, a taksama za padlikam hałasoŭ. U hetych umovach planujemy referendum staniecca surjoznaj palityčnaj padziejaj, jakaja moža pryvieści da źniknieńnia Biełarusi z palityčnaj mapy śvietu», - zajaviŭ Alaksandar Milinkievič.
Alaksandar Milinkievič adznačyŭ, što eŭrapiejskija krainy pavinnyja nazyvać pracesy svaimi imionami – «heta nia budzie abjadnańnie dźviuch krainaŭ, heta sapraŭdny anšlus, ekanamičnaje pahłynańnie Biełarusi».
«Biełaruś siońnia jość svojeasablivaj pihułkaj, lekam dla peŭnych imperskich siłaŭ u Rasiei. Łukašenka zahulaŭsia ŭ abjadnańnie, jon zahnany ŭ kut i vybaru ŭžo nia maje. Siońnia jaho nielha ličyć harantam niezaležnaści Biełarusi, harantam siońnia źjaŭlajecca biełaruski narod. I ja ŭžo siońnia zajaŭlaju pra pratesty ŭ vypadku pryznačeńnia i praviadzieńnia referendumu», - skazaŭ lider abjadnanych demakratyčnych siłaŭ.
Na sustrečy byli dyplamatyčnyja pradstaŭniki Francyi, Niamieččyny, Vialikaj Brytanii, Švecyi, Italii, Letuvy, Łatvii, Rumynii, Čechii, Polščy, Niderlandaŭ, Słavakii.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary