Верагодны расейска-беларускі рэфэрэндум па канстытуцыйным акце стаўся галоўнай тэмай сёньняшняй сустрэчы ў Менску лідэра аб’яднаных беларускіх дэмакратычных сіл Беларусі Аляксандра Мілінкевіча з прадстаўнікамі дыпляматычнага корпусу шэрагу эўрапейскіх краінаў, акрэдытаваных у Беларусі.
Верагодны расейска-беларускі рэфэрэндум па канстытуцыйным акце стаўся галоўнай тэмай сёньняшняй сустрэчы ў Менску лідэра аб’яднаных беларускіх дэмакратычных сіл Беларусі Аляксандра Мілінкевіча з прадстаўнікамі дыпляматычнага корпусу шэрагу эўрапейскіх краінаў, акрэдытаваных у Беларусі.
Лідэр аб’яднаных дэмакратычных сілаў зьвярнуўся праз дыпляматаў да ўрадаў эўрапейскіх краінаў з просьбай «не чакаць даты прызначэньня рэфэрэндуму, а ўжо ў найбліжэйшы час выпрацаваць адзіную пазыцыю дзяржаў Эўропы па непрызнаньні вынікаў рэфэрэндуму».
Сваю пазыцыю Аляксандар Мілінкевіч патлумачыў тым, што ў сёньняшніх беларускіх умовах нельга разьлічваць нават на мінімальную аб’ектыўнасьць і празрыстасьць вынікаў рэфэрэндуму.
«Ва ўмовах татальнай манаполіі дзяржавы на інфармацыю большасьць беларусаў ня змогуць атрымаць усёй інфармацыі пра рэальныя пагрозы рэфэрэндуму і пра небясьпеку страты Беларусьсю незалежнасьці й сувэрэнітэту. Сёньня таксама не йснуе рэальных мэханізмаў кантролю грамадзтва за падрыхтоўкай і працэсам галасаваньня, а таксама за падлікам галасоў. У гэтых умовах плянуемы рэфэрэндум станецца сур’ёзнай палітычнай падзеяй, якая можа прывесьці да зьнікненьня Беларусі з палітычнай мапы сьвету», - заявіў Аляксандар Мілінкевіч.
Аляксандар Мілінкевіч адзначыў, што эўрапейскія краіны павінныя называць працэсы сваімі імёнамі – «гэта ня будзе аб’яднаньне дзьвюх краінаў, гэта сапраўдны аншлюс, эканамічнае паглынаньне Беларусі».
«Беларусь сёньня ёсьць своеасаблівай пігулкай, лекам для пэўных імпэрскіх сілаў у Расеі. Лукашэнка загуляўся ў аб’яднаньне, ён загнаны ў кут і выбару ўжо ня мае. Сёньня яго нельга лічыць гарантам незалежнасьці Беларусі, гарантам сёньня зьяўляецца беларускі народ. І я ўжо сёньня заяўляю пра пратэсты ў выпадку прызначэньня і правядзеньня рэфэрэндуму», - сказаў лідэр аб’яднаных дэмакратычных сілаў.
На сустрэчы былі дыпляматычныя прадстаўнікі Францыі, Нямеччыны, Вялікай Брытаніі, Швэцыі, Італіі, Летувы, Латвіі, Румыніі, Чэхіі, Польшчы, Нідэрляндаў, Славакіі.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары