Chto taki Jaŭhien Horyn — prapahandyst, jaki biare intervju ŭ palitviaźniaŭ za kratami i klajmić Zachad

45-hadovy Jaŭhien Horyn rodam ź Minska. Pa źviestkach prajekta Digital intelligernce team, jahony baćka — piensijanier KDB i milicyi, maci pracavała ŭ banku. Jaŭhien Horyn maje słužbovy pašpart, jaki daje jamu dadatkovyja mahčymaści pry padarožžach za miažu.

Paśla škoły Horyn vučyŭsia ŭ Instytucie sučasnych viedaŭ imia Šyrokava. Padčas vučoby pracavaŭ z baćkam na futbolnym maniežy i ŭ handlovych centrach u Minsku. A paśla zakančeńnia instytuta, u 2007 hodzie, uładkavaŭsia žurnalistam na STB.

Pavialičyć

Pa vodhukach byłych kaleh, Jaŭhien zaŭždy byŭ prychilnikam režymu Łukašenki.

Adzin ź ich kaža, što Horyn zaŭždy ŭvachodziŭ u puł Łukašenki, jeździŭ ź im na roznyja mierapryjemstvy i byŭ na vielmi dobrym rachunku, ale asabliva nie vypiačvaŭ siabie. «Pracavaŭ i pracavaŭ. Nie pamiataju, kab jon niekaha padstaviŭ ci byŭ błahim čałaviekam. Horyn z tych, chto moža paspračacca z kiraŭnictvam, moža pajści nasupierak».

U 2019-m Horyn pajšoŭ na pavyšeńnie ŭ Biełteleradyjokampaniju. Ciapier jaho pradstaŭlajuć jak palityčnaha ahladalnika. Jon šmat aśviatlaŭ padziei 2020-ha — viadoma, z pazicyi siłavikoŭ. Taksama Horyn jeździŭ na biełaruska-polskuju miažu padčas mihranckaha kryzisu ŭ 2021-m.

Pavialičyć

Z apošnich jaho hutarak — intervju za kratami ź Juryjem Ziankovičam u vieraśni 2024 hoda.

Taksama jon razmaŭlaŭ z polskim fanatam Łukašenki i adeptam «ruskaha śvietu» Marcinam Mikałajekam dy ŭdzielnikam šturma kapitolija Evanam Ńjumanam, jakija źbiehli ŭ Biełaruś.

Horyn vystupaje i jak ekśpiert na biełaruskich dziaržaŭnych kanałach. Naprykład, kamientuje padziei va Ukrainie, horača padtrymlivaje Rasiju ŭ vajnie. Majo jon svajo mierkavańnie i nakont krainaŭ Bałtyi — nazyvaje ich «maryjanietkami», jakija zusim stracili niezaležnaść, bo zaležnyja ad krainaŭ-susiedziaŭ.

Vyśmiejvaje vajskova-pramysłovy kompleks ZŠA — maŭlaŭ, techniku jany robiać ledź nie ŭ chlavach, bo paśla razvału SSSR tam usio začyniłasia. Dy i prezident zanadta stary.

Pavialičyć

Horyn padtrymlivaje začystku miedyja i niedziaržaŭnych arhanizacyj u 2020-m. I robić vyhlad, što z-za chejtu nie pierajmajecca.

«Z nahody chejtu z boku «nievierahodnych» skažu, što kali ty dobry teležurnalist, to vielmi chutka abzaviadziešsia dosyć tryvałaj skuraj, ustojlivaj da napadak. Tak što dasyłanyja mnie ŭ 2020‑m karcinki‑miemy, pahrozy, a taksama škadavańni ab tym, što ja nie salidaryzavaŭsia z bałvanami, jakija paralizujuć u Minsku ruch pa vychodnych u nadziei, što heta abrynie dziaržavu, u mianie vyklikali chiba što hidlivaść», — kazaŭ jon u intervju «SB. Biełaruś siehodnia».

• 0
• 3
• 1
• 1
• 0
• 0
• 5
• 0