Грамадства1818

Хто такі Яўген Горын — прапагандыст, які бярэ інтэрв'ю ў палітвязняў за кратамі і кляйміць Захад

Яўген Горын ездзіў гаварыць за кратамі з палітвязнем Юрыем Зянковічам. У сваіх выступленнях ён называе краіны Балтыі «марыянеткамі» і крытыкуе ЗША, што іх прэзідэнт ужо стары. Распавядаем пра гэтага прапагандыста.

Яўген Горын. Фота: СБ

45-гадовы Яўген Горын родам з Мінска. Па звестках праекта Digital intelligernce team, ягоны бацька — пенсіянер КДБ і міліцыі, маці працавала ў банку. Яўген Горын мае службовы пашпарт, які дае яму дадатковыя магчымасці пры падарожжах за мяжу.

Пасля школы Горын вучыўся ў Інстытуце сучасных ведаў імя Шырокава. Падчас вучобы працаваў з бацькам на футбольным манежы і ў гандлёвых цэнтрах у Мінску. А пасля заканчэння інстытута, у 2007 годзе, уладкаваўся журналістам на СТБ.

Яўген Горын. Фота з ягонай старонкі «Укантакце»

Па водгуках былых калег, Яўген заўжды быў прыхільнікам рэжыму Лукашэнкі.

Адзін з іх кажа, што Горын заўжды ўваходзіў у пул Лукашэнкі, ездзіў з ім на розныя мерапрыемствы і быў на вельмі добрым рахунку, але асабліва не выпячваў сябе. «Працаваў і працаваў. Не памятаю, каб ён некага падставіў ці быў благім чалавекам. Горын з тых, хто можа паспрачацца з кіраўніцтвам, можа пайсці насуперак».

У 2019-м Горын пайшоў на павышэнне ў Белтэлерадыёкампанію. Цяпер яго прадстаўляюць як палітычнага аглядальніка. Ён шмат асвятляў падзеі 2020-га — вядома, з пазіцыі сілавікоў. Таксама Горын ездзіў на беларуска-польскую мяжу падчас мігранцкага крызісу ў 2021-м.

Яўген Горын прыязджаў на інтэрв'ю да палітвязня Юрыя Зянковіча. Скрыншот з БТ

З апошніх яго гутарак — інтэрв'ю за кратамі з Юрыем Зянковічам у верасні 2024 года.

Таксама ён размаўляў з польскім фанатам Лукашэнкі і адэптам «рускага свету» Марцінам Мікалаекам ды ўдзельнікам штурма капітолія Эванам Ньюманам, якія збеглі ў Беларусь.

Горын выступае і як эксперт на беларускіх дзяржаўных каналах. Напрыклад, каментуе падзеі ва Украіне, горача падтрымлівае Расію ў вайне. Мае ён сваё меркаванне і наконт краінаў Балтыі — называе іх «марыянеткамі», якія зусім страцілі незалежнасць, бо залежныя ад краінаў-суседзяў.

Высмейвае вайскова-прамысловы комплекс ЗША — маўляў, тэхніку яны робяць ледзь не ў хлявах, бо пасля развалу СССР там усё зачынілася. Ды і прэзідэнт занадта стары.

Яўген Горын распавядае пра тое, што ВПК ЗША фактычна разваліўся

Горын падтрымлівае зачыстку медыя і недзяржаўных арганізацый у 2020-м. І робіць выгляд, што з-за хэйту не пераймаецца.

«З нагоды хэйту з боку «неверагодных» скажу, што калі ты добры тэлежурналіст, то вельмі хутка абзавядзешся досыць трывалай скурай, устойлівай да нападак. Так што дасыланыя мне ў 2020‑м карцінкі‑мемы, пагрозы, а таксама шкадаванні аб тым, што я не салідарызаваўся з балванамі, якія паралізуюць у Мінску рух па выходных у надзеі, што гэта абрыне дзяржаву, у мяне выклікалі хіба што гідлівасць», — казаў ён у інтэрв'ю «СБ. Беларусь сегодня».

«Наша Нiва» — бастыён беларушчыны

ПАДТРЫМАЦЬ

Каментары18

  • SHOS
    01.12.2024
    [Рэд. выдалена]
  • Крухмальны Золкін
    01.12.2024
    Міліцыянт забойца, які бярэ інтэрвію з-за кратаў
  • даведка
    01.12.2024
    Неудивительно, что сына милиционера и сотрудника КГБ в итоге забрали на БТ, где председатель сам бывший милиционер, а заместитель к нему приставлен из КГБ.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць