Ukraina raspracavała dva punkty «Płana pieramohi» pad Trampa. Pra što ŭ ich havorycca?
Hetyja prapanovy Zialenski prezientavaŭ Trampu jašče ŭ vieraśni na sustrečy ŭ Ńju-Jorku, piša Financial Times.
Ukraina ŭličvała, što prezidentam ZŠA moža stać Donald Tramp i raspracoŭvali svoj «Płan pieramohi» z ulikam hetaha. Pra heta paviedamiła vydańnie Financial Times sa spasyłkaj na krynicy.
Sajuźniki Ukrainy ŭ Jeŭropie i ZŠA, u tym liku vysokapastaŭlenyja respublikancy, davali parady, jak lepš sfarmulavać prapanovy, kab Tramp supracoŭničaŭ z Ukrainaj i nie spyniaŭ pastaŭki krytyčna važnaj dapamohi, kažuć ukrainskija i jeŭrapiejskija čynoŭniki.
Śpiecyjalna pad Trampa ŭ «Płanie pieramohi» padrychtavali dva punkty. Pieršy — paśla zakančeńnia vajny niekatorych amierykanskich sałdat u Jeŭropie prapanujuć zamianić ukraincami. Druhi — Ukraina padzielicca važnymi pryrodnymi resursami z zachodnimi partniorami.
Hetyja dva punkty, jak piša FT, Uładzimir Zialenski pradstaviŭ Donaldu Trampu na sustrečy ŭ Ńju-Jorku ŭ vieraśni. Trampa hetyja prapanovy nibyta zacikavili.
Pradstaŭniki ŭkrainskaha biznesu, pa słovach krynic, taksama prapanujuć dać Trampu paŭnamoctvy vyznačać, chto moža vieści biznes u krainie. Adna z krynic adznačyła, što hetaja prapanova nazyvajecca «ABC — anybody but China» («Chto zaŭhodna, tolki nie Kitaj»). Zhodna z prapanovaj, ukrainskija śfiery, jakija zaležać ad kitajskich technałohij i materyjałaŭ (naprykład, telekamunikacyi), piarojduć na amierykanskija technałohii.
Krynicy vydańnia śćviardžajuć, što Ukraina sprabuje naładzić adnosiny z Trampam, zamianiŭšy ambasadara krainy ŭ ZŠA Aksanu Markaravu. Respublikancy raniej aburalisia, što jana arhanizavała vizit Zialenskaha na abaronnaje pradpryjemstva ŭ ZŠA, dzie byli tolki demakraty. Na pasadu ambasadara prapanavali byłoha kiraŭnika MZS Ukrainy Dźmitryja Kulebu, ale jon admoviŭsia, kažuć krynicy. Ukrainskija aficyjnyja asoby i sam Kuleba heta nie kamientavali.
«Płan pieramohi» Zialenskaha maje takija punkty, jak zaprašeńnie Ukrainy ŭ NATO, «niajadziernaje strymlivańnie» Rasii, dazvoł bić zachodnimi rakietami pa celach u Rasii.
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj21
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary