Abrany prezident ZŠA Donald Tramp paćvierdziŭ pryznačeńnie kanhresmiena ad Fłarydy Majka Uołtca daradcam pa nacyjanalnaj biaśpiecy ŭ svajoj budučaj administracyi.

Tramp zaznačyŭ, što jaho budučy savietnik pa nacyjanalnaj biaśpiecy źjaŭlajecca «ekśpiertam pa pytańniach pahroz z boku Kitaja, Rasii, Irana i hłabalnaha teraryzmu».
Uołtc — vieteran armii ZŠA. Jon maje dośvied pracy ŭ Pientahonie daradcam, a taksama pracavaŭ u siektary abarony kiraŭnikom adnaho z padradčykaŭ Minabarony. U Pałacie pradstaŭnikoŭ jon zajmajecca temaj supraćstajańnia Kitaju i źmianšeńnia zaležnaści ad kitajskich resursaŭ i ličycca adnym z samych žorstkich jaho krytykaŭ u Respublikanskaj partyi.
Jon vystupaje za dalejšuju padtrymku Ukrainy, ale z uporam na kantrol za vydatkami srodkaŭ amierykanskich padatkapłacielščykaŭ.
Čytajcie taksama:
Tramp maje namier naminavać Marka Rubia na pasadu dziaržsakratara
Kamientary