26 lutaha ŭ Tel-Avivie ŭ prestyžnaj kancertnaj zali «Caŭta» ŭ prysutnaści izrailskaha prezidenta Šymona Peresa, adbudziecca vialiki viečar pamiaci Aŭroma Suckieviera, vybitnaha habrejskaha paeta, uradženca Smarhoni, jaki pajšoŭ z žyćcia miesiac tamu. U viečary taksama vystupiać idyšskija paety, prahučać pieśni na słovy Suckieviera, a aktorka tel-aviŭskaha teatra «Hiešer», uradženka Mahilova, Jaŭhienija Dodzina budzie čytać vybranyja vieršy.
Aŭrom (Aŭraham) Suckievier (1913—2010) — adzin z vybitnych habrejskich paetaŭ druhoj pałovy XX st. Suckievier pisaŭ na idyšy, movie, jakoj jon trymaŭsia ŭsio žyćcio.
Naradziŭsia Suckievier u Smarhoni, u 1920 pierajechaŭ u Vilniu. U hieta zrabiŭsia siabram bajavoj arhanizacyi, a ŭ konadzień likvidacyi hieta syšoŭ da partyzanaŭ i vajavaŭ u Naračanskich lasach. Tam napisaŭ paemu «Usie klatvy», jakaja zrabiła nahetulki mocnaje ŭražańnie na siabraŭ Antyfašysckaha habrejskaha kamitetu, što pa paeta z Maskvy pasłali za liniju fronta samalot. Paśla vajny Suckievier vystupiŭ śviedkam na Niurnbierhskam pracesie, a ŭ 1948 paet pierajechaŭ u Izrail, dzie zasnavaŭ časopis «Dy Hołdene kiejt» («Załaty łancuh»), jaki byŭ prytułkam dla pareštak suśvietnaj idyšskaj kultury i litaratury, i da 1998 hoda byŭ jaho niezastupnym redaktaram. Pisaŭ vieršy zbolšaha pra Hałakost, vydaŭ knihu ŭspaminaŭ «Ź vilenskaha hieta» i paemu «Sibir», ilustravanuju Markam Šahałam.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary