Jak minimum u 26 bujnych rasijskich aeraportach uviali abmiežavańni na zapraŭku samalotaŭ
U bolšaści vypadkaŭ — tolki dla zamiežnych avijakampanij.
Jak minimum u 26 bujnych rasijskich aeraportach uviali abmiežavańni na zapraŭku samalotaŭ na 7 vieraśnia, vyśvietliła «Viorstka», praanalizavaŭšy paviedamleńni ŭ sistemie aeranavihacyjnaj infarmacyi.
Pieršyja abmiežavańni ŭviali ŭ červieni, a druhaja chvala prypała na vierasień. Terminy ich dziejańnia — ad adnaho da amal siami miesiacaŭ u zaležnaści ad aeraporta.
Naprykład, z 2 vieraśnia 2026 hoda da 16 sakavika 2027 hoda ŭ pieciarburhskim aeraporcie Pułkava ŭviali zapraŭku ŭsich rejsaŭ tolki ŭ adpaviednaści z płanam palotu, bieź jakich-niebudź dadatkovych abjomaŭ paliva. Anałahičnaje paviedamleńnie dziejničaje ŭ kalininhradskim aeraporcie Chrabrova z 8 červienia da 6 śniežnia hetaha hoda. Hetyja miery tyčacca jak rasijskich, tak i zamiežnych avijapieravozčykaŭ.
Pry hetym u 15 z 26 aeraportaŭ abmiežavańni ŭviedzienyja tolki suprać zamiežnych avijakampanij.
«Zapraŭka samalotaŭ zamiežnych kampanij abmiežavanaja abjomam, nieabchodnym dla adnaho palotu», — havorycca ŭ paviedamleńniach NOTAM.
Naprykład, na Urale ciapier čatyry aeraporty z takimi złučeńniami: Kalcova (Jekaciarynburh), Bałandzina (Čelabinsk), Roščyna (Ciumień), a taksama aeraport Mahnitahorska.
Najbolš žorstkaja situacyja na poŭdni Rasii, dzie častka aeraportaŭ zakrytaja praz vajnu z Ukrainaj.
Z šaści aeraportaŭ abmiežavańni na zapraŭku jak dla ajčynnych, tak i dla zamiežnych avijapieravozčykaŭ uviedzienyja ŭ troch — u Sočy, Vałhahradzie i Astrachani. Tolki dla zamiežnych kampanij — u Krasnadary.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary