Abarvanyja adrazu dva internet-kabieli, jakija złučajuć Skandynaviju z Hiermanijaj i Litvoj. Padazrajuć dyviersiju
Hiermanija i Finlandyja całkam stracili pamiž saboj kabielnuju internet-suviaź, a złučeńnie pamiž Šviecyjaj i Litvoj upała na tracinu ŭ vyniku paškodžańniaŭ.
Pavodle techničnaha dyrektara telekamunicyjnaj kampanii Telia Andriusa Šemieškiavičusa, kabiel, jaki zabiaśpiečvaje internet-złučeńnie pamiž Litvoj i Šviecyjaj, byŭ zahadkava paškodžany ranicaj u niadzielu, 17 listapada. Sistemy kampanii imhnienna paviedamili pra źniknieńnie suviazi.
Paśla rasśledavańnia stała zrazumieła, što kabiel byŭ pierarezany, pieradaje jaho słovy LRT.
«My stracili adnu z troch linij suviazi, jakija pieradajuć internet u Litvu, što pryviało da skaračeńnia prapusknoj zdolnaści na tracinu. Adnak praź niekatory čas udałosia adnavić dostup da internetu praz reziervovyja maršruty», — adznačyŭ Šemieškiavičus u efiry LRT.
Kudy bolš surjoznaja situacyja składvajecca z padvodnym kabielem pamiž Finlandyjaj i Hiermanijaj.
Pavodle finskich miedyja, adziny interniet-kabiel pamiž dvuma krainami, jaki maje daŭžyniu kala kiłamietra, taksama akazaŭsia całkam abarvany na adnym z učastkaŭ, što pazbaviła Hiermaniju i Finlandyju pramoha kabielnaha interniet-złučeńnia.
«Taki incydent adrazu vyklikaje padazreńni ŭ naŭmysnym naniasieńni škody, što jaskrava śviedčyć pra niestabilnaść našaha času. Pravodzicca dbajnaje rasśledavańnie. Naša jeŭrapiejskaja biaśpieka znachodzicca pad pahrozaj nie tolki z-za ahresiŭnaj vajny Rasii suprać Ukrainy, ale i z-za hibrydnaj vajny z boku złamyśnikaŭ», — adznačyli ŭ sumiesnaj zajavie MZS Hiermanii i Finlandyi.
Charakterna, što abodva kabieli byli paškodžanyja na adnym i tym ža ŭčastku Bałtyjskaha mora, dzie jany pierasiakajucca. Tut nie było vypadkovaści, heta niešta bolš surjoznaje, ličać u kampanii Telia.
Jašče ŭ vieraśni telekanał CNN sa spasyłkaj na dvuch amierykanskich čynoŭnikaŭ paviedamlaŭ, što ZŠA fiksujuć rost vajennaj aktyŭnaści Rasii vakoł klučavych padvodnych kabielaŭ.
Pavodle słoŭ surazmoŭcaŭ telekanała, Vašynhton ličyć, što Maskva moža «ažyćciaŭlać patencyjnyja dyviersijnyja apieracyi, nakiravanyja na vyvad z ładu krytyčna važnaj častki suśvietnaj infrastruktury suviazi».
Kreml u svaju čarhu nazyvaŭ padobnyja abvinavačańni ŭ padrychtoŭcy Rasijaj dyviersij «biespadstaŭnymi».
Kamientary
...
heta praź jakija? praz nas?
...
da kakoje tam... eto Žir nyrnuł za sokroviŝami i słučajno zadieł