Śviet1919

Mask i Ramasvami raskazali, jak buduć skaračać vydatki. Voś čamu heta moža mocna paŭpłyvać i na Biełaruś

Abrany prezident ZŠA Donald Tramp prapanavaŭ biznesoŭcam Iłanu Masku i Vivieku Ramasvami ŭznačalić novy Departamient efiektyŭnaści ŭrada. 20 listapada jany ŭ prahramnaj kałoncy ŭ The Wall Street Journal raskazali, čym i jak budzie zajmacca departamient.

Iłan Mask. Fota: Andrew Harnik / Getty Images

«Naša nacyja pabudavanaja na bazavaj idei, što ludzi, jakich my vybirajem, kirujuć uradam. Ciapier Amieryka nie funkcyjanuje tak», — tak pačynajecca artykuł.

A siońniašniaja Amieryka funkcyjanuje, na dumku aŭtaraŭ, tak: nikim nie abranyja biurakraty pradukujuć ścižmu dyrektyŭ — dziasiatki tysiač štohod — biez pramoha ŭdziełu ludziej z vybarčym mandatam (naprykład, prezident, kanhresmieny).

Pamier srodkaŭ, jakija, pavodle acenak Maska i Ramasvami, vydatkoŭvajucca nieapraŭdana abo biez naležnaj sankcyi z boku Kanhresa, sapraŭdy ŭražvaje: 500 miljardaŭ dołaraŭ štohod. Dla paraŭnańnia: hadavy respublikanski biudžet Biełarusi ŭ 2024 hodzie składaje niapoŭnyja 14 młrd dołaraŭ, prytym što nasielnictva Biełarusi ŭsiaho ŭ 35 razoŭ mienšaje za amierykanskaje.

«My skarocim vydatki» — zapeŭnivajuć Mask i Ramasvami.

Departamient, jaki ŭznačalać Mask i Ramasvami, nazyvajecca Departamientam uradavaj efiektyŭnaści. Anhlijskaja abrevijatura nazvy — DOGE (Department of Government Efficiency), mižvoli naprošvajecca asacyjacyja z dog (sabaka) abo doggie (sabačka), što ŭ niejkim sensie ilustruje jaho misiju: vyniuchvać niepatrebnyja dyrektyvy, pasady i prajekty i prahaniać ich z urada.

Derehulacyja, skaračeńnie piersanału i ekanomija vydatkaŭ

DOGE abiacajuć zasiarodzić na troch kirunkach:

  • Admiena niepatrebnych dyrektyŭ. Budzie admienienaja častka fiederalnych dyrektyŭ — da prykładu, tyja, jakija byli ŭviedzienyja biez vyraznaha dazvołu Kanhresa. Hety krok skiravany na vyzvaleńnie pryvatnych asob i pradpryjemstvaŭ ad narmatyŭnaha ciažaru i stymulavańnie ekanamičnaha rostu.
  • Mienš dyrektyŭ — mienš čynoŭnikaŭ. DOGE maje namier skaracić fiederalnuju pracoŭnuju siłu. Zvolnienym abiacajuć spryjańnie ŭ pierachodzie ŭ pryvatny siektar, a častka budzie zaachvočvacca da daterminovaha vychadu na piensiju na vyhadnych umovach.
  • Ekanomija vydatkaŭ. Departamient zojmiecca skaračeńniem vydatkaŭ i palapšeńniem pracesu zakupak. Mnohija kantrakty buduć pierahledžanyja, abiacajuć taksama vyjavić roznyja formy marnatraŭstva i ŭvieści miechanizmy praduchileńnia machlarstva ŭ budučyni.

Na dumku aŭtaraŭ, dziela ŭsiaho hetaha nie patrabujucca źmieny ŭ zakanadaŭstvie. Bolš za toje, heta buduć reformy, jakija palahajuć u pryviadzieńni realnaha stanu rečaŭ u adpaviednaść zakonam. 

Asabliva asnoŭnamu zakonu. «Našaj Palarnaj zorkaj dla reformaŭ budzie Kanstytucyja ZŠA» — paetyčna zajaŭlajuć aŭtary.

Jość i dedłajn

Misija DOGE raźličanaja pryblizna na paŭtara hoda. Usia rabota pa naładžvańni efiektyŭnaści pracy ŭrada pavinna zaviaršycca 4 lipienia 2026 hoda. Heta budzie svojeasablivy padarunak krainie da 250-hodździa niezaležnaści — ličać biznesoŭcy-refarmatary.

Da hetaha času aŭtary spadziajucca mieć taki efiektyŭny ŭrad, što DOGE bolš nie spatrebicca.

Pakul ciažka skazać, jak taki kurs na rezkaje skaračeńnie dziaržaŭnych vydatkaŭ adabjecca na Biełarusi. Z adnaho boku, ad siły ZŠA zaležyć ustojlivaść suśvietnaha paradku — Amieryka jaho stabilizujučy centr, hałoŭnaja procivaha Rasii i Kitaju. I zdaroŭje amierykanskich dziaržaŭnych finansaŭ — zaruka siły dziaržavy. Z druhoha boku, Biełaruś była recypijentam raznastajnaj amierykanskaj dapamohi. Amierykancy dapamahali ad čarnobylskich prahram da ahrasiadzib, navat stanaŭleńniu IT-siektara biełaruskaj ekanomiki šturšok dali amierykanskija hranty.

Kali ZŠA pierastanuć układać hrošy ŭ raźvićcio inšych krain, heta adabjecca i na Biełarusi. A patencyjna mienavita śfiera mižnarodnaj dapamohi moža padpaści pad skaračeńnie pieršaj.

Kamientary19

  • -$
    21.11.2024
    biedny mask... kudy zadanacić jamu?
  • #
    21.11.2024
    I pravilno sdiełajut kohda pieriestanut davať dieńhi.
    Za 4 hoda skolko było vbuchano na poddieržku diem.siłam? V itohie bolšinstvo razvorovali, vlijanije upało do nula, riezultata niet.
    Nie budiet dienieh - nie budiet i imitatorov ot oppozicii
  • Peter
    21.11.2024
    [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

U Žłobinskim rajonie prahrymieŭ vybuch. Zahinuli tata i dvoje maleńkich dziaciej1

U Žłobinskim rajonie prahrymieŭ vybuch. Zahinuli tata i dvoje maleńkich dziaciej

Usie naviny →
Usie naviny

Ministr zamiežnych spraŭ Litvy nazvaŭ «niebiaśpiečna pamyłkovaj» ideju adnaŭleńnia impartu rasijskaha hazu dziela miru va Ukrainie9

Aleksijevič: Ja nie dumaju, što jość choć adzin čałaviek, jaki sapraŭdy razumieje, što adbyvajecca va Ukrainie48

Administracyja Trampa choča, kab va Ukrainie sioleta prajšli vybary28

Minski Lidbeer Dvor pierajedzie na novaje miesca3

Scenarysta z Barysava asudzili dva miesiacy nazad, a ciapier na jaho zaviali jašče dźvie kryminalnyja spravy

«Kamunarka» abjaviła pra pačatak vypusku dubajskaha šakaładu5

Hihancki asietr napaŭ na rasijskuju sinchranistku ŭ Kitai padčas vodnaha šou VIDEA16

Rasijski nastaŭnik na praciahu dvuch hadoŭ tajemna źniaŭ dakumientalny film ab prapahandzie ŭ škole

«Maja pamyłka, što zapisvaju videa». Čym skončylisia rezanansnyja zvaroty da Łukašenki?11

bolš čytanych navin
bolš łajkanych navin

U Žłobinskim rajonie prahrymieŭ vybuch. Zahinuli tata i dvoje maleńkich dziaciej1

U Žłobinskim rajonie prahrymieŭ vybuch. Zahinuli tata i dvoje maleńkich dziaciej

Hałoŭnaje
Usie naviny →

Zaŭvaha:

 

 

 

 

Zakryć Paviedamić