Ministr ekanomiki Rasii abvinavaciŭ śpiekulantaŭ u krušeńni kursu rasijskaha rubla
Abvał kursu rubla da minimumaŭ z sakavika 2022 hoda staŭ vynikam «razavych faktaraŭ, u tym liku śpiekulatyŭnaha charaktaru», zajaviŭ u piatnicu kiraŭnik Minekanamraźvićcia Maksim Rašetnikaŭ.
Ź jahonych słoŭ, rubiel vierniecca da «fundamientalnych značeńniaŭ», kali na rynku źniknie «niervovaść», piša Moscow Times.
«Fundamientalna handlovy bałans mocny: apošnija dva miesiacy jaho pakazčyki vyšejšyja, čym byli letam. U kastryčniku handlovy bałans byŭ na 8% vyšejšy za ŭzrovień minułaha hoda, abo $11,8 młrd, za košt dobrych pakazčykaŭ ekspartu, a za 10 miesiacaŭ — na 14% vyšejšy, čym letaś», — pryvioŭ statystyku Rašetnikaŭ.
Jon dadaŭ, što na rubiel paŭpłyvali sankcyi, ale ŭrad i CB Rasii pracujuć «u ciesnaj kaardynacyi», kab nivielavać ich nastupstvy. «Za apošnija hady padobnyja abmiežavalnyja miery ŭvodzilisia nieadnarazova, i kožny raz naša ekanomika da ich adaptavałasia i praciahvała raźvivacca. Tak budzie i zaraz», — zapeŭniŭ Rašetnikaŭ.
Z pačatku listapada rubiel straciŭ blizu 10% da juania i dalara, a taksama 7,5% da jeŭra, što, pavodle źviestak Reuters, stała najhoršym miesiačnym vynikam dla rasijskaj valuty za apošnija dva hady.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku23
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary