Kiroŭca mikraaŭtobusa, jaki ŭrezaŭsia ŭ ciahnik pad Rečycaj, byŭ pjany i biez pravoŭ
Učora ŭ Rečyckim rajonie adbyłasia dziŭnaja avaryja z udziełam ciahnika i mikraaŭtobusa. Mikraaŭtobus urezaŭsia ŭ ciahnik na čyhunačnym pierajeździe na stancyi Vasilevičy. Ciapier stali viadomyja jaje padrabiaznaści.
Mikraaŭtobusam «Reno Majstar» kiravaŭ 31-hadovy rabotnik bryhady, jakaja ŭkładvała kabiel niepadalok ad miesca zdareńnia. Pabačyŭšy ciahnik, jaki nabližaŭsia, mužčyna vyrašyŭ, što toj moža zakranuć pryparkavany pablizu čyhunačnaj kalainy transpartny srodak.
Nie čakajučy kiroŭcy, mužčyna sam sieŭ za rul i pasprabavaŭ pierahnać mašynu. U vyniku jon sutyknuŭsia pa datyčnaj z dyziel-ciahnikom «Kalinkavičy-Homiel».
Mikraaŭtobus u vyniku hetaha incydentu byŭ paškodžany, a čałavieka, jaki siadzieŭ za rulom, dastavili ŭ balnicu. Jak akazałasia, u momant DTZ jon byŭ niećviarozy, ałkatestar zaśviedčyŭ u jahonaj kryvi bolš za 1,8 pramile ałkaholu. Pry hetym mužčyna nikoli nie mieŭ pravoŭ kiroŭcy.
Mikraaŭtobus sutyknuŭsia z pasažyrskim ciahnikom na čyhunačnym pierajeździe ŭ Rečyckim rajonie dniom 28 listapada. U vyniku adna z kołavych par sastava syšła z rejek. Pasažyry nie paciarpieli, ale daroha ŭ punkt pryznačeńnia dla ich zaciahnułasia.
Ciapier čytajuć
Biełarus Dźmitryj Šepieleŭ raskazaŭ padrabiaznaści chvaroby, lačeńnia i śmierci Žanny Fryskie2
Kamientary