Кіроўца мікрааўтобуса, які ўрэзаўся ў цягнік пад Рэчыцай, быў п'яны і без правоў
Учора ў Рэчыцкім раёне адбылася дзіўная аварыя з удзелам цягніка і мікрааўтобуса. Мікрааўтобус урэзаўся ў цягнік на чыгуначным пераездзе на станцыі Васілевічы. Цяпер сталі вядомыя яе падрабязнасці.
Мікрааўтобусам «Рэно Майстар» кіраваў 31-гадовы работнік брыгады, якая ўкладвала кабель непадалёк ад месца здарэння. Пабачыўшы цягнік, які набліжаўся, мужчына вырашыў, што той можа закрануць прыпаркаваны паблізу чыгуначнай каляіны транспартны сродак.
Не чакаючы кіроўцы, мужчына сам сеў за руль і паспрабаваў перагнаць машыну. У выніку ён сутыкнуўся па датычнай з дызель-цягніком «Калінкавічы-Гомель».
Мікрааўтобус у выніку гэтага інцыдэнту быў пашкоджаны, а чалавека, які сядзеў за рулём, даставілі ў бальніцу. Як аказалася, у момант ДТЗ ён быў нецвярозы, алкатэстар засведчыў у ягонай крыві больш за 1,8 праміле алкаголю. Пры гэтым мужчына ніколі не меў правоў кіроўцы.
Мікрааўтобус сутыкнуўся з пасажырскім цягніком на чыгуначным пераездзе ў Рэчыцкім раёне днём 28 лістапада. У выніку адна з колавых пар састава сышла з рэек. Пасажыры не пацярпелі, але дарога ў пункт прызначэння для іх зацягнулася.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары