U Hruzii siłaviki źbili i vydvaryli ŭ Armieniju rasijanina, jakoha zatrymali padčas akcyi pratestu
Pačuŭšy, što Michaił havoryć pa-rusku, palicejskija pačali pavodzić siabie ź im jašče bolš žorstka.
U Hruzii siłaviki źbili i vydvaryli ŭ Armieniju hramadzianina Rasii, zatrymanaha padčas akcyi pratestu suprać prypynieńnia pieramovaŭ ź ES, piša The Insider.
Mužčyna pa imieni Michaił žyŭ i pracavaŭ u Hruzii. Jaho zatrymali ŭ noč z 29 na 30 listapada padčas mitynhu ŭ Tbilisi. Jon stajaŭ pobač z žurnalistami i zdymaŭ toje, što adbyvajecca na smartfon, kali niekalki supracoŭnikaŭ palicyi schapili jaho i pavalili na ziamlu.
Michaiła adviali ŭ aŭtazak, dzie, ź jahonych słoŭ, siłaviki pačali źbivać jaho i inšych zatrymanych udzielnikaŭ pratestaŭ.
Pry hetym, pačuŭšy, što Michaił havoryć pa-rusku, palicejskija pačali pavodzić siabie ź im jašče bolš žorstka, raspavioŭ jon.
U palicejskim učastku, pa jaho słovach, nichto nie tłumačyŭ im ich pravy i nie daŭ mahčymaści patelefanavać blizkim abo advakatu. Supracoŭniki palicyi zapatrabavali pašpart, ale aryhinała pry sabie ŭ jaho było, što stała padstavaj dla vydvareńnia z krainy.
U IČU jaho naviedaŭ advakat pa pryznačeńni i ambudsmen Hruzii, jaki dapamoh jamu źviazacca ź siabrami.
U noč z 1 na 2 śniežnia Michaiła pieraviali ŭ mihracyjnuju słužbu, u toj ža dzień supracoŭniki palicyi pryjšli da jaho dadomu i zabrali jahony pašpart.
Paśla hetaha mužčynu pasadzili ŭ mašynu i advieźli na miažu z Armienijaj, paśla pierachodu miažy jamu viarnuli telefon.
Jon pasprabavaŭ viarnucca ŭ Hruziju, ale hruzinskija pamiežniki jaho nie prapuścili
Kamientary