Samaja pažyłaja ptuška ŭ śviecie, albatrosicha Uizdam adkłała jajka na Havajach. Joj 74 hady
Pra heta piša Associated Press sa spasyłkaj na Słužbu achovy rybnych resursaŭ i dzikich žyvioł ZŠA.
Heta jaje pieršaje jajka za apošnija čatyry hady, adznačyli ŭ słužbie. Uizdam viarnułasia na atoł z partnioram Akieakamajem, jakoha da hetaha nie bačyli niekalki hadoŭ i aścierahalisia, što jon zahinuŭ. Ciomnaśpinnyja albatrosy ŭtvarajuć paru na ŭsio žyćcio — Uizdam z Akieakamajem vysiedžvajuć jajki z 2006 hoda.
Supracoŭniki słužby nastrojeny aptymistyčna i ličać, što ptušania vyłupicca. Uizdam akalcavali ŭžo ŭ darosłym uzroście ŭ 1956 hodzie. Z taho času jana vyvieła prykładna tryccać ptušaniat, pieražyŭšy jak minimum troch svaich partnioraŭ.
Albatrosy adkładajuć pa adnym jajku i nie kožny hod. Baćki vysiedžvajuć jajki pa čarzie na praciahu dvuch miesiacaŭ i vykormlivajuć ptušania jašče kala paŭhoda, piša Rasijskaja słuba Radyjo Svaboda.
Kamientary
Mianuška ŭ jejnaha sudženca niejkaje da bolu znajomaje proźvišča nahadvaje. U 1980-ja Kamaj byŭ deputatam ad našaha rajonu. A da taho ŭ abkamie partyi prychoŭvaŭ niebiaśpieku vybuchu ŭ Čarnobyli i praź jahonyja ŭkaziŭki ja 1 traŭnia 1986-ha musiŭ ścierahčy istukan Lenina z uźniataj da łoba rukoj padčas demanstracyi.