Biełarus-dalnabojščyk znajšoŭ u svaim refryžaratary dvuch nielehalnych mihrantaŭ
Dvoje mužčyn z Turcyi i Afhanistana niejkim čynam apynulisia ŭ polskim hruzaviku-refryžaratary, jakim kiravaŭ biełaruski kiroŭca, piša sajt «Biełaruś i mir».
2 śniežnia niezadoŭha da ŭjezdu z terytoryi Bielhii ŭ Hiermaniju kiroŭca-biełarus zrabiŭ prypynak u servisnaj zonie. Tam jon pačuŭ hrukatańnie, jakoje išło z refryžeratarnaha kantejniera jahonaj mašyny.
Niepadalok, na terytoryi Hiermanii, u toj momant znachodziłasia patrulnaja mašyna ź niamieckaha horada Sankt-Aŭhuścin. Dalnabojščyk ubačyŭ jaje i źviarnuŭsia da pravaachoŭnikaŭ.
Aznajomiŭšysia z abstavinami spravy, tyja nieadkładna nakiravalisia da fury i, pakolki havorka išła pra mahčymuju niepasrednuju niebiaśpieku dla žyćcia i zdaroŭja ludziej, adkryli kantejnier.
Usiaredzinie znachodzilisia dva čałavieki, jakija siadzieli na ciesna vykładzienych skrynkach. Na toj momant tempieratura ŭ refryžaratary składała 8 hradusaŭ, ale ci była kolkaść kisłarodu dastatkovaj dla bolš praciahłaha padarožža — nieviadoma.
Pakolki hruzavik znachodziŭsia na terytoryi Bielhii, niemcy vyklikali kaleh z darožnaj palicyi hetaj krainy. Vyjaŭlenych u kantejniery turka i afhanca pieranakiravali ŭ bielhijskuju mihracyjnuju słužbu.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary