Na «vostravie piedafiłaŭ» u Vialikabrytanii manachi zhvałcili bolš za 50 dziaciej
Vostraŭ Kałdzi, dzie raźmieščana abactva katalickaha ordena manachaŭ-cystercyjancaŭ, apynuŭsia ŭ centry hučnaha skandału. Raskazvajem padrabiaznaści.
Vostraŭ Kałdzi (Caldey) la ŭźbiarežža Piembrukšyra va Uelsie źjaŭlajecca papularnym turystyčnym miescam. Kožnaje leta jaho naviedvaje kala 60 tysiač turystaŭ. Na vostravie pastajanna žyvuć kala 40 čałaviek, uklučna z 8 manachami.
Da niadaŭniaha času nichto nie viedaŭ, što chavajecca za jaho pryhožymi piejzažami i manastyrskimi ścienami. Žachlivuju praŭdu raskryvaje spravazdača, jakaja była dniami apublikavanaja. Ź jaje asnoŭnym źmiestam znajomić vydańnie Daily Mail.
Jak vynikaje z materyjałaŭ spravazdačy, vostraŭ Kałdzi, dzie znachodzicca abactva ordena manachaŭ-cystercyjancaŭ, členam jakoha zabaraniajecca navat razmaŭlać adzin z adnym amal uvieś tydzień, na praciahu 1960—1980-ch hadoŭ byŭ miescam, u jakim adbyvaŭsia seksualny hvałt nad dziećmi.
Pačatak rasśledavańniu pakłali pakazańni adnoj z achviar suprać manacha Tadevuša Kocika, jaki trapiŭ na vostraŭ u 1947 hodzie.
Jak vyśvietliła palicyja, Kocik byŭ nie tym čałaviekam, za jakoha siabie vydavaŭ. Mužčyna padrabiŭ dakumienty pra svaju słužbu ŭ šerahach polskich uzbrojenych sił na Zachadzie ŭ čas Druhoj suśvietnaj vajny i śćviardžaŭ, što byŭ udzielnikam vysadki sajuźnikaŭ u Narmandyi. Na samaj spravie jon byŭ «ostarbajtaram» i pajšoŭ na padman dla atrymańnia brytanskaha hramadzianstva.
U spravazdačy havorycca, što Kocik vykarystoŭvaŭ «składanyja stratehii», kab zavajavać davier maleńkich dziaciej i ich baćkoŭ. U niekatorych vypadkach baćki pakidali ź im svaich dziaciej, upeŭnienyja ŭ ich biaśpiecy.
Kocik, jaki pamior u 1992 hodzie, dziejničaŭ va ŭsich navidavoku, ale ŭ manastyry nijak nie reahavali na jahonyja «zabavy». Akramia jaho, u datyčnaści da złačynnych dziejańniaŭ abvinavačvajucca jašče čatyry manachi i niekalki cyvilnych asob.
Usiaho, jak pakazała rasśledavańnie, u pieryjad z 1960 pa 1992 hod seksualny hvałt na vostravie byŭ ździejśnieny adnosna 54 dziaciej. Niekatorym ź ich było ŭsiaho try hady. U asobnych vypadkach dachodziła da hvałtavańnia.
Bolšaść achviar naviedvali vostraŭ razam z baćkami padčas ich adpačynku ci ŭ chodzie pajezdak, jakija arhanizoŭvali i apłačvalisia katalickimi maładziožnymi supołkami i škołami.
Admietna, što nichto z manachaŭ-piedafiłaŭ tak i nie trapiŭ u ruki pravasudździa. U sakaviku 2017 hoda hramadzianski pazoŭ suprać abactva skončyŭsia dasudovym urehulavańniem z vypłataj kampiensacyi šaści achviaram.
Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA13
Kamientary