Беларус правёў тэст у кавярні на веданне беларускай мовы. Яго правалілі
У тыктоку завірусілася відэа, як мужчына размаўляў з супрацоўніцай прыдарожнай кавярні на беларускай мове. Аднак дзяўчына не змагла да канца яго зразумець. Відэа заўважыў CityDog.
Беларус вырашыў праверыць у адной з прыдарожных кавярняў сеткі «Заўжды цікава», як добра супрацоўнікі ведаюць беларускую мову. Спачатку ён аплаціў паліва на АЗС, а пасля спытаў дзяўчыну: «Падкажыце, ці можна ў вас кола напампаваць?»
Watch on TikTok
Дзяўчына не зразумела, пра што яе спытаў мужчына, і папрасіла паўтарыць пытанне. Затым яна ў яго ўдакладніла: «Поменять монетки?»
Калі беларус ізноў паўтарыў сваё пытанне, супрацоўніца кавярні нічога не адказала. Тады ён спытаў на рускай мове: «Колесо накачать можно?»
У каментарах пад відэа карыстальнікі пісалі, што «гэта сумна».
Былі і тыя, хто лічыць, што мужчына сказаў на «паўбеларускай-паўпольскай» мове, таму, магчыма, дзяўчына не змагла зразумець пытанне.
- «Мабыць, калі б удакладніў, што паветрам, дык зразумела б».
- «Я гарбаты папрасіў наліць аднойчы, мне адказалі што «няма тут ніякіх гарбатых».
- «Дажыліся».
- «Кола напампаваць. Што тут незразумелага».
- «На «А-100» трэба, там разумеюць адразу».
- «Сваёй мовы не ведае, і гэта вялікая праблема па ўсёй краіне».
- «А калі б папрасіў хот-дог і яшчэ што-небудзь з ежы, дык чарга стаяла б да дзвярэй».
- «На вакзале ў Гомелі не ведаюць слова «паверх».
- «Экзаменатар знайшоўся».
- «Я не адразу зразумеў, але праз секунду ўзгадаў».
Цяпер чытаюць
Мінчук абурыўся кантынгентам у сталічным метро: Усе з новымі айфонамі, але не могуць дазволіць сабе танную машыну ці паездкі на таксі?20
Каментары