Pres-słužba Minskaha aŭtazavoda paviedamiła: pieršy tralejbus treciaha pakaleńnia MAZ-303T pieradadzieny ŭ tralejbusny park №5 HP «Minsktrans». Takija tralejbusy admietnyja tym, što mohuć jeździć biez «rahoŭ», piša Blizko.by.
Učora hety tralejbus z bartavym numaram 5071 prachodziŭ abkatku na praśpiekcie Niezaležnaści, jaho zaŭvažali ŭ rajonie Nacyjanalnaj biblijateki. A ŭžo siońnia, jak paviedamlaje «Minsktrans», tralejbus vyjšaŭ na maršrut №50 «Łošyca-2 — stancyja mietro Aŭtazavodskaja».
Tralejbus MAZ-303T pabudavany na bazie nizkapadłohavaha aŭtobusa MAZ-303 (jašče jość i elektrobus MAZ-303Je ŭ anałahičnym kuzavie).
U tralejbusie, u adroźnieńnie ad aŭtobusa i elektrobusa, niama šachty matornaha adsieka, jakaja vytyrkajecca ŭ sałon, dziakujučy čamu kolkaść miescaŭ vyrasła da 82. Ź ich 30 siadziačych, uklučajučy 14 na nizkaj padłozie.
MAZ-303T adnosicca da tralejbusaŭ z aŭtanomnym chodam: moža pracavać na maršrutach z učastkami biez kantaktnaj sietki.
Partyja z 30 tralejbusaŭ hetaj samaj madeli, MAZ-303T, siońnia pastupiła ŭ rasijskuju Kazań. A ŭ «Minsktrans» ich pavinna pastupić 50 štuk.
Jak budzie pracavać hramadski transpart Minska ŭ navahodniuju noč
U Minsku mašyna sutyknułasia z tralejbusam i vylecieła za miežy prajeznaj častki VIDEA
Vice-mer Łazarevič paraiła minčukam, jakim nie padabajucca ceny na taksi, jeździć na mietro
U hramadskim transparcie ŭ Minsku možna budzie adpravić list Dziedu Marozu
Kamientary