Usich sałdat Asada, jakija ŭciakli ŭ Irak, addali nazad novym uładam Siryi
Havorka idzie pra amal dźvie tysiačy siryjskich vajskoŭcaŭ i aficeraŭ zrynutaha režymu Bašara Asada, jakija razam sa zbrojaj i technikaj uciakli ad paŭstancaŭ u susiedni Irak i spadziavalisia znajści tam palityčny prytułak.
Irak pieradaŭ novym uładam Siryi ŭsich siryjskich sałdat i aficeraŭ, jakija pryjechali šukać prytułku ŭ krainie za dzień da padzieńnia režymu Bašara Asada, pieradaje tureckaje ahienctva Anadolu sa spasyłkaj na aficyjnyja resursy Iraka.
«1905 siryjskich vajskoŭcaŭ, uklučajučy aficeraŭ, sałdat i inšy piersanał, pryjšli na irakskuju miažu ŭ pošukach prytułku z-za niadaŭnich padziej u Siryi. U adkaz na heta ŭzbrojenyja siły Iraka dazvolili im prajści pa humanitarnych pryčynach paśla atrymańnia adpaviednaha dazvołu irakskich uładaŭ.
Paśla amnistyi, abvieščanaj novymi ŭładami Siryi, usie vajskoŭcy byli pieradadzieny nazad siryjskamu boku», — havorycca ŭ zajavie Abjadnanaha apieratyŭnaha kamandavańnia armii Iraka.
Viedamstva adznačyła, što ŭsia zbroja i technika, jakaja była ŭ siryjskich vajskoŭcaŭ pry pierasiačeńni miažy, pakul zastałasia pad achovaj u Iraku, čakajučy pieradačy novamu ŭradu Siryi paśla jaho farmavańnia.
Bašar Asad, jaki kiravaŭ Siryjaj na praciahu amal 25 hadoŭ, uciok u Rasiju paśla taho, jak siryjskija paŭstancy 8 śniežnia ŭziali pad kantrol stalicu krainy Damask. Sam Asad paśla zajaviŭ, što jaho evakuacyi ŭ Rasiju papiaredničali «kałaps siryjskaj armii i paralič dziaržaŭnych instytutaŭ». Pavodle jaho śćviardžeńnia, ad armii i naroda toj nie admaŭlaŭsia.
Lidar paŭstancaŭ zajaviŭ, što Siryja nie ŭjaŭlaje pahrozy dla śvietu, i paprasiŭ źniać z krainy sankcyi
«Asad paŭ. Nie bojciesia». Jak vyzvalajuć viaźniaŭ sumna viadomych turmaŭ Siryi
«Siryja pakazvaje, što Rasija nie niepieramožnaja». Hałoŭnaja dypłamatka ES vykazałasia suprać pieramoŭ na ŭmovach Maskvy
Kamientary
No i nie brosili oružije, nie pieriešli na storonu naroda, nie otdali oružije povstancam.