Hramadstva2727

Muž palitźniavolenaj žurnalistki Słaŭnikavaj dziakuje Łukašenku i krytykuje Cichanoŭskuju

Alaksandr Łojka vyjšaŭ na svabodu paśla 45 sutak, jaho žoncy, kiraŭnicy pradstaŭnictva «Biełsata» ŭ Minsku, prysudzili 5 hadoŭ kałonii.

Alaksandr Łojka i Iryna Słaŭnikava.

Alaksandr Łojka — adzin z suzasnavalnikaŭ Asacyjacyi rodnych i byłych palitviaźniaŭ FreeBelarusPrisoners — raskazaŭ «Lusterku» svajo bačańnie situacyi z palitźniavolenymi.

Aproč jaho, u hetu inicyjatyvu ŭvachodziać Taćciana Chomič (siastra Maryi Kaleśnikavaj), Śvietłana Mackievič (byłaja žonka fiłosafa Uładzimira Mackieviča), a taksama Volha Ivašyna (žonka žurnalista Dzianisa Ivašyna).

Łojka ličyć, što ciapierašniaja stratehija Zachadu i Śviatłany Cichanoŭskaj niapravilnaja. Jon pierakanany, što biełaruskija ŭłady zaŭsiody byli hatovyja iści na kantakt. «Ale jany chočuć razmaŭlać nie praz płot», — adznačaje Łojka.

U jakaści mahčymych krokaŭ nasustrač Łukašenku, jakija moh by zrabić Zachad, nazyvajucca pryjezd u Jeŭropu jakoha-niebudź biełaruskaha čynoŭnika vysokaha ŭzroŭniu, a taksama vizit u Biełaruś pradstaŭnikoŭ Zachadu. Taksama jon ahučyŭ prapanovu abmianiać sankcyi na «Biełavija» na 500 palitviaźniaŭ.

«Možna znajści jakich-niebudź miedyjataraŭ, jakija zmohuć paspryjać. Dapuścim, ja viedaju, što ŭ pierahavornych pracesach va Ukrainie miedyjatarami vystupali aliharchi. Miedyjatarami ŭ Biełarusi mahli b być ludzi ad biznesu, jakija znachodziacca na vysokim uzroŭni. Abo dziaržava-pasrednik — dapuścim, Turcyja. Albo jašče heta moža być jaki-niebudź palityk, jaki ŭžo nie źjaŭlajecca dziejnym, ale maje pavahu ŭ hramadstvie. Naprykład, eks-kancler Hiermanii Anhieła Mierkiel. Da jaje dumki prysłuchoŭvajucca».

Łojka pryznajecca, što razmaŭlaŭ sa Śviatłanaj Cichanoŭskaj adzin raz, u kancy 2022 hoda. Ale jamu «hetaha było dastatkova i zrazumieła».

«Jana vielmi ahresiŭna da nas adnosicca. Joj nie padabajecca niejkaja krytyka, inšaje bačańnie. I ŭvohule, u Ofisie, nasamreč, pačynajuć niejak zrušvacca ŭ bok takoha ž dyktatu i tatalitaryzmu, jaki isnuje ŭ Biełarusi. Kali niešta nie pa ich mierkavańni, nie pa ich žadańni ci bačańni — značyć, da pabačeńnia. Buduć stavić pałki ŭ koły i nie davać prasoŭvać niejkija svaje idei», — narakaje Łojka.

Zatoje chvalić Alaksandra Łukašenku i kamisiju pa pamiłavańni hienieralnaha prakurora Andreja Švieda:

«Ja vykazvaju padziaku Alaksandru Łukašenku za toje, što jon praciahvaje padpisvać ukazy ab pamiłavańni ludziej. Chacia, u pryncypie, jon ničoha zaraz pakul uzamien nie atrymlivaje. Ale heta vielmi važny krok.

Kamisija pa pamiłavańni taksama robić svaju pracu. Nichto na ich asabliva nie ŭpłyvaje. Zrazumiełaja sprava, ich abvinavačvajuć u tym, što «sami aryštavali — sami pamiłavali». Ale kali b jany hetym nie zajmalisia, dyk ludzi b nie vychodzili».

«Voś heta dobry znak», — adhuknuŭsia na intervju prapahandyst Ihar Tur.

Kamientary27

  • Tutejšy
    20.12.2024
    Kali b jany hetym nie zajmalisia, ludzi b u turmach nie siadzieli, pačnicie z hetaha tezisu moža
  • Ilja
    20.12.2024
    On boitsia riežima, nie imieju prava osuždať.
  • .
    20.12.2024
    Riebiata, nie nado osuždať ludiej v takoj situacii. Nikto iz nas nie znajet, kak by siebia povieł, jeśli by jeho łomali čieriez blizkoho čiełovieka, vziatoho v załožniki.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka: U amierykancaŭ niama nijakaha płana, jany prosta zandujuć hlebu13

Łukašenka: U amierykancaŭ niama nijakaha płana, jany prosta zandujuć hlebu

Usie naviny →
Usie naviny

Minčuk aburyŭsia kantynhientam u staličnym mietro: Usie z novymi ajfonami, ale nie mohuć dazvolić sabie tannuju mašynu ci pajezdki na taksi?24

Dvuchrublovuju manietu pradajuć na aŭkcyjonie za 490 rubloŭ. Čamu tak doraha?

Tramp zajaviŭ, što jahonyja pradstaŭniki jeduć u Rasiju «prosta ciapier»3

U Polščy chočuć uvieści padatak dla bihtechaŭ, ale ZŠA heta nie padabajecca2

«Ja bajałasia, što jana budzie vyhladać mienavita tak». Biełaruska dva hady šukała mahiłu svajoj babuli ŭ Polščy — i narešcie znajšła3

Chalezin: Žyćcio paśla śmierci isnuje, my ŭsie žyviom u hrybnoj matrycy23

Łukašenka źniaŭ z pasady načalnika Akademii MUS1

«Buduć vystaŭlenyja nievykanalnyja ŭmovy». U Kramli abmiarkoŭvajuć scenary admovy ad časovaha pieramirja5

NASA skarystałasia Marsam jak tramplinam, kab razahnać zond u bok Jupitera1

bolš čytanych navin
bolš łajkanych navin

Łukašenka: U amierykancaŭ niama nijakaha płana, jany prosta zandujuć hlebu13

Łukašenka: U amierykancaŭ niama nijakaha płana, jany prosta zandujuć hlebu

Hałoŭnaje
Usie naviny →

Zaŭvaha:

 

 

 

 

Zakryć Paviedamić