Pryčym jurydyčnyja asoby zavieźli ŭ studzieni mašyn u 27 razoŭ mieniej, čym u studzieni 2009 hoda.
Impart lehkavych aŭtamabilaŭ u Biełaruś u studzieni skaraciŭsia na 32,9% u paraŭnańni z 2009 hodam, da 7,2 tys. adzinak,
u hrašovym vyražeńni impart źniziŭsia na 38,6%, da 43,2 młn dalaraŭ, pavodle papiarednich źviestak mytnaj statystyki.
Praktyčna ŭvieś abjom impartu (97,9%) zabiaśpiečyli fizasoby.
Jany pavialičyli impart lehkavych aŭtamabilaŭ u studzieni na 7,3% da pakazčyka studzienia 2009 h., da 7,067 tys. adzinak, u hrašovym vyražeńni impart aŭtamabilaŭ fizičnymi asobami ŭ studzieni vyras na 4,8% da 42,1 młn dalaraŭ.
Pa vynikach studzienia,
jurydyčnyja asoby zavieźli ŭ Biełaruś tolki 154 aŭtamabili (u 27 razoŭ mienš, čym u studzieni 2009 hoda),u tym liku 4 – z-za miežaŭ SND. Impart aŭtamabilaŭ z Rasii ŭ studzieni pavialičyŭsia ŭ 2,8 razu da pakazčyku studzienia 2009 da 87 adzinak na sumu 706 tys. dalaraŭ (rost u 2,1a).
Asnoŭnym faktaram karennaha źmianieńnia situacyi ź impartam aŭtamabilaŭ stała ŭviadzieńnie z 1 studzienia 2010 hoda adzinaha mytnaha taryfu dla Respubliki Biełaruś, Respubliki Kazachstan i Rasijskaj Fiederacyi, zhodna ź jakim mytnyja pošliny na impart aŭtatranspartu biełaruskimi jurasobami byli pavyšany da ŭzroŭniu rasijskich, dla fizičnych asob – zastalisia na ŭzroŭni 2009 hoda hoda.
Pavodle infarmacyi DMK, pavyšeńnie stavak mytnych pošlin na impart aŭtamabilaŭ fizičnymi asobami čakajecca z 1 lipienia 2010 hoda.
U 2009 hodzie impart lehkavych aŭtamabilaŭ u Biełaruś skaraciŭsia na 18,4% u paraŭnańni z 2008 hodam, da 163,5 tys. adzinak,
u hrašovym vyražeńni impart źniziŭsia na 30,8% i skłaŭ 1,016 młrd dalaraŭ.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju23
Kamientary