Karcina ŭ domie słavutaha akciora ŭ Łos-Andželesie vielmi nahadvaje viadomy tvor Chaima Sucina, jaki staŭ adnym ź simvałaŭ pratestaŭ 2020 hoda.
Niezvyčajnuju ŭvažlivaść da detalaŭ prajavili karystalniki fejsbuka. U karcinie, choć jany visić na zadnim fonie ŭ rakursie, biez asablivych ciažkaściej paznajecca sucinskaja «Jeva»: toj ža farmat, taja ž kalarovaja hama, tyja ž składzienyja na hrudziach ruki žančyny.
Ale jak takoje moža być, kali sapraŭdnaja «Jeva», nabytaja Biełhazprambankam na aŭkcyjonie Sotheby's u 2013 hodzie za $1,8 miljona, zachoŭvajecca ŭ Biełarusi, u karparatyŭnaj kalekcyi banka? Možna było b zapadozryć repradukcyju ci aŭtarskaje paŭtareńnie, ale bolš uvažlivaje paraŭnańnie karciny na fotazdymku z «Jevaj» pakazała, što heta vielmi padobnyja, ale roznyja tvory.
Na ścianie ŭ domie Džeka Nikałsana visić «Žančyna sa skryžavanymi rukami», napisanaja Chaimam Sucinym kala 1929 hoda, praz hod paśla stvareńnia «Jevy». Na joj namalavana byccam by inšaja žančyna, jaje rysy tvaru adroźnivajucca ad Jevy, vałasy bolš śvietłyja, błuza nie maje pyšnych rukavoŭ-bufaŭ i hłybiej dekaltavana. Navat ruki składzieny inakš.
Heta karcina bolšaja pa pamiery (88,9 x 63,5 sm) za «Jevu» (65 x 54 sm). Pavodle sajta Pubhist.com, pryśviečanaha mastactvu, historyi i mastackim tvoram, Nikałsan vałodaje aryhinałam «Žančyny sa skryžavanymi rukami».
Džek Nikałsan zarekamiendavaŭ siabie jak vydatny kalekcyjanier mastactva, pačaŭšy svoj šlach u 1960-ch hadach. U jaho kalekcyi pradstaŭleny pracy takich vybitnych mastakoŭ, jak Pabła Pikasa, Anry Macis, Ahiust Raden, Fiernanda Batera, Viljam-Adolf Buhro, Amiedea Madyljani, Rene Mahryt i Endy Uorchał. Jaho kalekcyja zasiarodžana vakoł tvoraŭ XX stahodździa i sučasnaha mastactva, i ŭ 1995 hodzie amierykanski mastak Ed Ruša nazvaŭ jaje «adnoj ź lepšych kalekcyj tut».
«Naša Niva» — bastyjon biełaruščyny
PADTRYMAĆ-
Alona Łanskaja raskazała, jak stvaryła klip z dapamohaj štučnaha intelektu
-
Adnaho nazyvali biełaruskim Šalapinym, a druhoha — załatym hołasam Biełarusi. Ale žyćci abodvuch artystaŭ trahična abarvalisia
-
U Žyrovicach staviać novyja pazałočanyja ikanastasy ŭ ruskim styli. Baročny ikanastas carkoŭniki śpisali ŭ muziej
Kamientary
Piensioniery raznyje! Kto-to 20 dołłarov pokupajet s piensii, kto-to podrabatyvajet...
Po pomojka nikto nie rojetsia!