У Буда-Кашалёве на 6,5 года зняволення асудзілі непаўналетняга навучэнца каледжа
Хлопца 2007 года нараджэння асудзілі ў Буда-Кашалёве за незаконны абарот марыхуаны.
Абвінавачаны набыў больш за 240 грамаў марыхуаны, якую перавёз і захоўваў для далейшага збыту ў адным з пакояў інтэрната. Па звестках суда, частку забароненага рэчыва ён паспеў прадаць непаўналетняму.
Суд прызнаў хлопца вінаватым у незаконным набыцці, захоўванні і перавозцы наркотыкаў у буйным памеры з мэтай збыту, а таксама іх збыце на тэрыторыі ўстановы адукацыі заведама непаўналетняму. Малады чалавек цалкам прызнаў сваю віну. За гэта яму прыйдзецца адсядзець 6,5 года ў выхаваўчай калоніі.
Прыгавор у законную сілу не ўступіў, можа быць абскарджаны і апратэставаны.
Крымінальную справу паказальна разглядалі ў прысутнасці маладых людзей, якія знаходзяцца на ўліку ў інспекцыі па справах непаўналетніх.
Каментары