16 sakavika 2010 h. archikatedralny kaścioł Imia Najśviaciejšaj Panny Maryi ŭ Minsku adznačaje 300-hodździe kansekracyi. Hałoŭnyja ŭračystaści z hetaj nahody adbuducca 12 červienia
adnak siońnia ŭsie parafijanie i ludzi dobraj voli zaprašajucca da malitvy padziaki za adradžeńnie śviatyni i za ŭsich tych, chto na praciahu hetych hod pracavaŭ na jaje karyść.
Kaścioł byŭ zasnavany ajcami jezuitami 31 lipienia 1700 h.
Jaho kansekracyju ździejsniŭ Vilenski biskup Kanstanty Kazimir Bžastoŭski 16 sakavika 1710 h.
28 krasavika 1798 h. śviatyni była nadadziena hodnaść Katedralnaha kaścioła. Z krasavika 1905 h. peŭny čas probaščam katedry byŭ ksiondz Zyhmunt Łazinski.
U paślavajenny časy kaścioł byŭ adabrany ŭ viernikaŭ i pieradadzieny pad «Dom fizkultury». U 1951 h. śviatynia była całkam spustošana i pierabudavana. 9 śniežnia 1993 h. pavodle pastanovy Savieta Ministraŭ Respubliki Biełaruś budynak minskaj katedry byŭ viernuty katolikam.
21 kastryčnika 1997 h. adbyłasia rekansekracyja minskaj archikatedry Imia Najśviaciejšaj Maryi Panny, jakuju ździejśniŭ kardynał Kazimir Śviontek.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary