Bajden i jaho siamja «abmiarkoŭvajuć varyjanty lačeńnia sa svaimi daktarami».
U byłoha prezidenta ZŠA Džo Bajdena dyjahnastavali ahresiŭnuju formu raka prastaty, rak daŭ mietastazy ŭ kostki. Pra heta zajaviŭ ofis Bajdena, paviedamlaje CNN.
«Na minułym tydni ŭ prezidenta Džo Bajdena było vyjaŭlena novaje vuzielčykavaje ŭtvareńnie ŭ prastacie paśla taho, jak u jaho ŭzmacnilisia simptomy mačavypuskańnia. U piatnicu ŭ jaho byŭ dyjahnastavany rak prastaty, jaki charaktaryzujecca 9-balnaj acenkaj pa Hlisanu (5-ja hrupa) ź mietastazami ŭ kości», — havorycca ŭ zajavie.
U joj taksama pisałasia: «Choć heta bolš ahresiŭnaja forma zachvorvańnia, rak, jak vidać, adčuvalny da harmonaŭ, što dazvalaje pravodzić efiektyŭnaje lačeńnie».
Bajden i jaho siamja «abmiarkoŭvajuć varyjanty lačeńnia sa svaimi daktarami».
Kamientary
Heta sam Bajden vyrašyŭ pachvalicca svaim dyjahnazam?
Abo lekary, jakija siabie vystaŭlajuć zaraz napakaz pry lubym vypadku, što taksama niejetyčna.