Rašeńnie ab pieradačy Hiermanijaj Ukrainie rakiet Taurus jašče nie pryniata
Fiederalny kancler Hiermanii Frydrych Mierc zajaviŭ, što jahonaja kraina bolš nie abmiažoŭvaje dalokaść dziejańnia zbroi, jakuju pastaŭlaje Ukrainie. Heta vyklikała šyroki mižnarodny rezanans, i navat Kraml prakamientavaŭ jahonyja słovy ŭ toj ža dzień. Ale akazałasia, što ničoha novaha Mierc nie skazaŭ, piša Bild.
Hetyja abmiežavańni ŭžo byli źniatyja ŭ mai 2024 hoda pry papiarednim kanclery Ołafie Šolcy, kali rasijskija vojski nastupali na Charkaŭskim napramku. Akramia taho, Hiermanija dahetul nie pieradavała Ukrainie rakiety z dalokaściu, jakaja pieravyšaje radyus dziejańnia sistemy Mars-2 (kala 85 km).
Paśla zajaŭ Mierca pajšli čutki pra mahčymuju pieradaču niamieckimi vajskoŭcami rakiet Taurus, ale, jak stała viadoma Bild, navat padčas vizitu prezidenta Ukrainy Uładzimira Zialenskaha ŭ Bierlin takoje rašeńnie pakul nie budzie pryniata.
Vice-kancler Hiermanii Łars Klinhbajl adkryta skazaŭ, što novych damoŭlenaściaŭ, jakija vychodzili b za miežy papiaredniaj palityki ŭrada, niama. Dy i sam Mierc pryznaŭ, što prosta apisaŭ toje, što ŭžo daŭno stała realnaściu.
Vajskovy ekśpiert Bild Nika Łanhie adznačyŭ, što skasavańnie abmiežavańniaŭ pa dalokaści maje sens tolki tady, kali Hiermanija sapraŭdy pačnie pastaŭlać bojeprypasy i rakiety z bolšaj dalokaściu.
Kamientary