Stała viadoma, kolki relihijnych supolnaściaŭ nie prajšli pierarehistracyju ŭ Viciebskaj i Minskaj abłaściach
Pieršyja dva abłvykankamy abnavili infarmacyju pra kanfiesijnuju situacyju ŭ rehijonach. Apublikavanaja statystyka pa kolkaści relihijnych supolnaściaŭ u Minskaj i Viciebskaj abłaściach, jakaja zaśviedčyła skaračeńnie kolkaści supołak, pryčym u paŭnočnym rehijonie — istotnaje, piša Katolik.life.
Pavodle apošnich źviestak, u Viciebskaj vobłaści dziejničajuć 525 supolnaściaŭ 18 kanfiesij. Na 1 studzienia 2024 hoda, kali pierarehistracyja relihijnych arhanizacyj jašče nie pačynałasia, takich było, pa danych aparata ŭpaŭnavažanaha pa spravach relihij i nacyjanalnaściaŭ, 565.
Heta značyć, za hod u rehijonie spynili isnavańnie 40 supolnaściaŭ — vierahodna, jany padali zajavu ab likvidacyi ŭ suviazi ź niemahčymaściu prajści novuju dziaržaŭnuju rehistracyju.
Što da taho, prychodaŭ jakich kanfiesij źnikła bolš za ŭsio, to heta samyja masavyja ź ich: Ruskaja pravasłaŭnaja carkva (było 300 prychodaŭ, stała 280) i Ryma-katalickaja carkva (było 94 parafii, stała 85). Na trecim miescy — chryścijanie viery jevanhielskaj. Hetaja kanfiesija naličvała 52 supolnaści ŭ rehijonie, a na pačatak 2025 hoda ich zastałosia 48.
U cełym usie 18 kanfiesij zachavali prysutnaść u Viciebskaj vobłaści, u tym liku kanfiesija, jakaja pradstaŭlenaja adzinaj u Biełarusi supołkaj — marmony (Carkva Isusa Chrysta apošnich dzion). Taksama zastalisia ŭ rehijonie takija redkija kanfiesii, jak bachai i kryšnaity — pa adnoj supołcy.
U Minskaj vobłaści za hod taksama skaraciłasia kolkaść relihijnych arhanizacyj, ale nie tak istotna. Z 714 supolnaściaŭ, jakija dziejničali na 1 studzienia 2024 hoda, ciapier zastałosia 708. U pryvatnaści, likvidavana pa dva prychody BPC i RKC. U cełym usie raniej pradstaŭlenyja kanfiesii pakul zachavali svaju prysutnaść — ich u Minskaj vobłaści 13.
Nahadajem, usie supolnaści ŭ Biełarusi abaviazali padać dakumienty dla pierarehistracyi nie paźniej za 5 lipienia 2025 hoda. Kančatkovyja dadzienyja pa kolkaści relihijnych arhanizacyj, jakija prajšli novuju dziaržaŭnuju rehistracyju, pavinny być pradstaŭleny paśla 1 studzienia 2026 hoda.
Katalickuju Minska-Mahiloŭskuju archidyjaceziju pierarehistravali
U Biełarusi zastałosia mienš za 500 ryma-katalickich parafij. Pierarehistracyju prachodziać nie ŭsie
«Sprava nie ŭ palitycy». Stała viadoma, čamu zakryłasia katalickaja sieminaryja ŭ Pinsku
Likvidavana Pinskaja katalickaja duchoŭnaja sieminaryja
«Vidavočna, kolkaść skarocicca». Jak adabjecca na stanie Katalickaj carkvy zadumanaja ŭładami pierarehistracyja parafij?
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary