U Biełarusi zastałosia mienš za 500 ryma-katalickich parafij. Pierarehistracyju prachodziać nie ŭsie
Śviežaja statystyka pa kolkaści relihijnych arhanizacyj Biełarusi jašče nie apublikavanaja, ale pa pramiežkavych dadzienych bačna, što za minuły hod kolkaść ryma-katalickich parafij u krainie skaraciłasia. Mnohija supolnaści Ryma-katalickaj carkvy byli likvidavanyja ŭ minułym hodzie, i hety praces praciahvajecca, piša Katolik.life.
Kali pa źviestkach na 1 studzienia 2024 hoda, apublikavanych na resursie Upaŭnavažanaha pa spravach relihij i nacyjanalnaściaŭ, u Biełarusi naličvałasia roŭna 500 ryma-katalickich parafij, to źviestki za siaredzinu minułaha hoda kažuć pra toje, što ciapier ich stała mieniej.
Takuju statystyku vydańnie znajšło, naprykład, na sajcie Viciebskaha abłvykankama. Pavodle danych na 1 lipienia 2024 hoda, u rehijonie naličvałasia 85 supolnaściaŭ ryma-katolikaŭ. Pa stanie na pačatak hoda ich było 94.
U Minskaj vobłaści, u adpaviednaści ź infarmacyjaj, abnoŭlenaj u vieraśni, dziejničaje 97 ryma-katalickich parafij. Na pačatak 2024 hoda ich naličvałasia 98.
Pa źviestkach Homielskaha abłvykankama, u rehijonie 20 supolnaściaŭ ryma-katolikaŭ, a ŭ pačatku hoda była 21 supolnaść.
Pa inšych rehijonach adkrytych danych dla paraŭnańnia niama, albo jany sastareli.
Jak viadoma, u 2024 hodzie ŭ Biełarusi pačałasia pierarehistracyja relihijnych arhanizacyj. Heta stvaryła prablemy dla nievialikich parafij. Da prykładu, probašč kaścioła ŭ Babrujsku tłumačyŭ:
«Dla rehistracyi parafii patrebnyja 20 «zasnavalnikaŭ» z parafijanaŭ, jakija buduć uchvalenyja ŭładami. A heta nie tak prosta. Naprykład, piensijanieraŭ padavać jak zasnavalnikaŭ moža być vielmi niazručna — kali potym chtości ź ich pierasielicca ŭ inšy horad ci ŭ lepšy śviet, treba budzie znoŭ źbirać schod, vybirać novaha čałavieka na zamienu i znoŭ padavać papiery ŭ vykankam. Tamu lepš znajści maładych, siaredniaha ŭzrostu. Šukajem».
Tyja supolnaści, jakija zrazumieli, što nie zmohuć vykanać novyja patrabavańni, padali zajavy na likvidacyju arhanizacyi. I hety praces jašče praciahvajecca — dakumienty dla pierarehistracyi parafii pavinny padać nie paźniej za 5 lipienia 2025 hoda.
Pry hetym vyšejadznačanaje tyčycca nie tolki katalikoŭ. Kolkaść zarehistravanych pravasłaŭnych supolnaściaŭ u rehijonach taksama skaraciłasia.
Prynamsi, na dźvie parafii BPC stała mienš u Minskaj vobłaści (znoŭ ža pa źviestkach za vierasień 2024 hoda), adrazu na 20 supolnaściaŭ — u Viciebskaj vobłaści (pa źviestkach za lipień). U cełym u Biełarusi naličvałasia 1737 parafij BPC u adpaviednaści z danymi na pačatak 2024 hoda.
«Sprava nie ŭ palitycy». Stała viadoma, čamu zakryłasia katalickaja sieminaryja ŭ Pinsku
«Nikoli ni ad kaho nie atrymlivali skarhaŭ». Što viadoma pra situacyju śviatara, jakoha sudziać u Šumilinie
«Boh daŭ vam usio, akramia majho numara telefona»: śviatar-unijat ź Viciebska staŭ zorkaj sacsietak
Ksiandza Hienryka Akałatoviča prysudzili da 11 hadoŭ kałonii
U śviecie stała mienš ateistaŭ. Ale ŭ Jeŭropie relihija adstupaje
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary