«Šachcior» zraŭniaŭ lik u finalnaj sieryi suprać «Junactva»
U finalnaj sieryi adkrytaha čempijanatu Biełarusi pa chakiei pamiž salihorskim «Šachcioram» i minskim «Junactvam» budzie siomy matč.
1 krasavika ŭ chatnim pajadynku, jaki prajšoŭ u staličnym Pałacy sportu, «Šachcior» zraŭnavaŭ lik u sieryi, atrymaŭšy pieramohu — 3:2 (0:0, 1:0, 2:2).
Da siaredziny treciaha pieryjadu salihorcy viali 3:0, zakinuŭšy dźvie šajby ŭ bolšaści. «Junactvu» ŭdałosia skaracić razryŭ da minimumu paśla hałoŭ u mienšaści i ŭ bolšaści šeść na try palavyja hulcy. Apošnija 48 siekund «Junactva» mieła pieravahu ŭ dva palavyja hulcy, ale nie zmahło jaje realizavać.
«Šachcior» vyjhraŭ taksama pieršy i treci matčy (2:1 u aviertajmie 23 sakavika ŭ Minsku; 3:2 u aviertajmie 27 sakavika ŭ Salihorsku), «Junactva» — druhi, čaćviorty i piaty (4:3 u aviertajmie 24 sakavika ŭ Minsku; 3:2 u Salihorsku 28 sakavika; 7:1 u Minsku 30 sakavika).
Vyrašalny pajadynak projdzie 3 krasavika na «Minsk-Arenie».
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ6
Kamientary