7‑8 krasavika ŭ Minsku čakajuć prybyćcio dzieviataha «Boinha» dla Nacyjanalnaj kampanii «Biełavija».
Pra heta paviedamiŭ dyrektar departamienta pa avijacyi Ministerstva transpartu i kamunikacyj Vadzim Mielnik 6 krasavika na pres‑kanfierencyi ŭ Minsku.
Pavietranaje sudna nabyta na ŭmovach lizinhu.
Pavodle słoŭ Mielnika, zaraz »Biełavija» ekspłuatuje vosiem samalotaŭ typaŭ «Boinh 737/500» i «Boinh 737/300», try SRJ‑100/200 i čatyry «TU‑154M».
Jak paviedamiŭ dyrektar departamienta pa avijacyi paśla pres‑kanfierencyi, razhladajecca mahčymaść nabyćcia ŭ budučyni samalotaŭ SRJ‑700.
Adkazvajučy na pytańnie ab mahčymaj zakupcy samalotaŭ dla zvyšdalokich pieralotaŭ, Mielnik zaznačyŭ, što departamient i «Biełavija» rehularna zajmajucca raźlikam pasažyrapatoku. Siońnia pytańnie ab kupli takoha samalota nie staić, padkreśliŭ jon.
Pavodle słoŭ hienieralnaha dyrektara «Biełavija» Anatola Husarava, mieniedžmient i kiraŭnictva avijakampanii nie bačać ekanamičnych pieradumoŭ dla pačatku vykanańnia transkantynientalnych pieralotaŭ. Razmova idzie pra paloty ŭ Piekin, Paŭdniovuju i Paŭnočnuju Amieryku. «Heta nie najbližejšaja pierśpiektyva», — skazaŭ jon.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary