Паліцыя раскрыла групу ў Discord пад назвай «764», члены якой схілялі дзяцей да самапашкоджання і нават самагубства. На партале ёсць нямала каналаў, якія распаўсюджваюць надзвычай жорсткі і гвалтоўны кантэнт.
Пра гэта піша выданне BILD.
Сетка Discord з’явілася ў 2015 годзе як чат-платформа для геймераў. Гэта зручнае месца для гульняў, зносін з сябрамі або стварэння інтэрнацыянальных супольнасцяў. Сярод прыкладна 200 мільёнаў карыстальнікаў — мноства падлеткаў і маладых людзей.
Аднак разам з бяскрыўдным кантэнтам на серверах Discord існуюць і так званыя gore-каналы, дзе распаўсюджваецца надзвычай жорсткі і гвалтоўны кантэнт — сцэны забойстваў, самапашкоджання і катаванняў.
Тэрмін «gore» азначае «запечаная кроў», «прабадаць, пракало́ць рагамі або ікламі», «глыбока прабіць нажом».
Эксперты ўжо даўно звяртаюць увагу, што на Discord зноў і зноў з’яўляюцца парнаграфічныя матэрыялы, нягледзячы на правілы абароны непаўналетніх. Аднак тое, што адбываецца на так званых gore-серверах, пераўзыходзіць усё гэта.
Журналісты BILD з першай спробы знайшлі сем такіх каналаў, назвы падгруп якіх гавораць самі за сябе: расстрэлы (Shooting), нажавыя раненні (Stabbing), адсячэнне галоў (Beheading), ІДІЛ (ISIS), агіднае (Fire), картэль (Cartel), хваробы (Disgusting), Disease, экстрэмальнае (Extreme).
У іх размяшчаюцца адпаведныя відэа і фатаграфіі. Адзін з карыстальнікаў прасіў выкласці відэа, на якім мужчына адразае сабе рукі нажом. На іншых серверах сустракаюцца нават відэа канібалізму. Асабліва часта прадстаўлены гвалт супраць жанчын.
Сярод удзельнікаў адной з такіх груп — 19-гадовы амерыканец Брэдлі Кадэнхед, які стварыў канал «764» у 15 гадоў, і
20-гадовы гамбуржац Шахрыяр Дж. (псеўданім White Tiger), які, паводле даных следства, прымусіў 13-гадовага хлопчыка павесіцца на камеру. Кадэнхед ужо асуджаны на 80 гадоў, Шахрыяр Дж. арыштаваны і адмаўляе віну.
Парадокс у тым, што гэтыя матэрыялы можа ўбачыць любы карыстальнік Discord, проста далучыўшыся да адкрытага сервера.
«Платформы накшталт Discord па сутнасці з’яўляюцца прававым вакуумам. З аднаго боку, усё гэта адбываецца адкрыта, з другога — абсалютна схавана», — сказала ў інтэрв’ю BILD псіхолаг і дырэктарка арганізацыі Innocence in Danger Юлія фон Вайлер.
Discord не патрабуе пацвярджэння ўзросту пры рэгістрацыі, што дазваляе непаўналетнім атрымліваць доступ да забароненага кантэнту, проста ўказаўшы фальшывую дату нараджэння. Да таго ж шматлікія забаненыя карыстальнікі лёгка ствараюць новыя акаўнты і працягваюць публікаваць гвалтоўныя матэрыялы.
Discord не адказаў на запыт BILD. Юлія фон Вайлер дадала:
«Неабходна падумаць пра сапраўдную верыфікацыю. Гэта значыць, што мы прыбіраем ананімнасць у інтэрнэце. Тады рэалізаваць свае фантазіі пра гвалт стане значна цяжэй. За псеўданімам White Tiger ужо не схаваешся — правайдары будуць ведаць тваё сапраўднае імя».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары
Нядаўна былі падобныя навіны пра Bluesky, Mastodon, Twitter.
2. Як яны плануюць забараніць тое, што людзі могуць падключыцца да іншага сервера, нават у іншай юрысдыкцыі?
А калі нават сам Discord прыдумае нешта, усё роўна знойдуцца аналагі, якія людзі змогуць запускаць самастойна бескантрольна.
3. "Гэта значыць, што мы прыбіраем ананімнасць у інтэрнэце".
Ці разумеюць яны, што акрамя злачынцаў (прыклады ў артыкуле насамрэч жудасныя) той жа ананімнасці жадаюць грамадзяне несвабодных краін?
І забарону ананімнасці ў цывілізаваных краінах радасна падтрымаюць тыраны?
И всегда это так и делается. Нашли пару сотен отморозков, которые были и есть везде.
А анонимности лишить хотят под эту дудку миллионы.
И самое главное, люди могут повестись на это.
Всегда ограничение прав возможно, если хорошенько напугать людей сначала