Jeŭrasajuz uvioŭ poŭnuju zabaronu na finansavyja tranzakcyi ŭ dačynieńni da niekalkich bankaŭ Biełarusi
Jeŭrasajuz pašyryŭ častkovuju zabaronu na finansavyja pasłuhi ŭ dačynieńni da Biełarusi ŭ miežach 18-ha pakieta sankcyj. Pra heta havorycca ŭ zajavie Rady ES.
«Zabarona na śpiecyjalnyja finansavyja pasłuhi pašyrana da poŭnaj zabarony na tranzakcyi. Uvodzicca taksama embarha na impart zbroi ź Biełarusi», — havorycca ŭ paviedamleńni.
Sankcyi ŭviedzieny taksama ŭ dačynieńni da vaśmi abjektaŭ, źviazanych z vajenna-pramysłovym kompleksam Biełarusi, ich nazvy pakul nie ŭdakładniajucca.
Sankcyi raspaŭsiudžvajucca ŭ dačynieńni da tych biełaruskich bankaŭ, jakija raniej byli adklučanyja ad SWIFT, ciapier jany trapili pad poŭny ban na tranzakcyi.
Jak raniej kazaŭ u kamientary «Lusterku» staršy daradca Śviatłany Cichanoŭskaj Franak Viačorka, havorka idzie pra «Biełarusbank», «Biełahraprambank», «Bielinviestbank» i «Bank Dabrabyt».
Kamientary
I ci buduć pracavać u Biełarusi zamiežnyja kartki? Pa idei nie, bo raźliki Visa/Mastercard iduć praź biełaruskija banki, a kali poŭnaja zabarona na tranzakcyi, adpaviedna, jany nie buduć prachodzić.
Ot narabili działoŭ svaich "vyraŭnivańniem sankcyi". Prydurki.