Пра даляр, таннейшы за тры рублі, можна забыцца? Што адбываецца з курсам
Па выніках таргоў даляр стаў каштаваць даражэй за тры рублі. Ці варта бегчы ў абменнік?
Расійскі ўплыў
Даляр па выніках таргоў на Беларускай валютна-фондавай біржы падняўся да 3,0198 беларускага рубля. Еўра таксама падаражэў, а расійскі рубель, наадварот, патаннеў амаль на 1%.
Эксперт BEROC Анастасія Лузгіна называе паслабленне нацыянальнай валюты да даляра і еўра чаканай падзеяй.
«На дадзенае змяненне курсу беларускага рубля аказвае ўплыў расійскі рубель, а калі быць дакладней — сітуацыя ў манетарнай сістэме Расійскай Федэрацыі. Цэнтрабанк РФ знізіў ключавую стаўку з 20 да 18%, што, безумоўна, паўплывала на дынаміку расійскай валюты», — тлумачыць эксперт.
Такім чынам, курс расійскага рубля пачынае зніжацца, што ў выніку адбіваецца і на курсе беларускага рубля.
Іншых сур'ёзных фактараў Лузгіна не назірае.
«На курс маглі б паўплываць нейкія істотныя змены ў знешнім гандлі, але казаць пра гэты фактар рана. Меркаваць пра гэта можна будзе, калі з'явяцца даныя аб куплі-продажы валюты за ліпень.
Верагодней за ўсё, пакуль на курс беларускага рубля будзе працягваць аказваць уплыў сітуацыя, якая адбываецца на расійскім валютным рынку».
Пры гэтым эканаміст заўважае, што ў Расіі зацікаўленыя ў тым, каб рубель патаннеў.
«Эксперты не раз адзначалі, што апошнім часам расійскі рубель занадта моцна ўмацаваўся ў дачыненні да даляра ЗША. Таму ў Расіі не супраць таго, каб рубель патаннеў», — мяркуе Лузгіна.
На пачатку года даляр каштаваў каля 113 расійскіх рублёў, а ўжо летам апусціўся да 78.
Акрамя мэтанакіраваных дзеянняў Цэнтрабанка РФ, эканаміст вылучае змены ў знешнім гандлі РФ, якія таксама могуць паўплываць на змяненне курсу.
Ці варта бегчы ў абменнік?
Эксперт лічыць, што найбліжэйшым часам беларускі рубель можа таннець адносна даляра і еўра, але рэзкіх скачкоў чакаць не варта.
«Рэзкіх ваганняў пры гэтым быць не павінна, паколькі яны, як мы бачылі ў апошнія гады, ішлі за нейкімі рэзкімі зменамі ў геапалітычнай сітуацыі. Эканамічныя фактары, у сваю чаргу, аказваюць паступовы ўплыў на курсы валют», — адзначае Анастасія Лузгіна.
-
«Над галавой лятае па 20 тон». Брат і сястра з Беларусі расказалі, колькі зарабляюць у порце польскай Гдыні
-
«Многія людзі стануць непатрэбнымі». Сузаснавальнік EPAM пра сяброўства з Добкіным, багацце і няроўнасць, жыццё ў Латвіі і настальгію
-
У ліпені Расія яшчэ больш павялічыла закупкі паліва ў Беларусі
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
скокі == пляска, танец