U ahraharadku Narač Vilejskaha rajona 2 žniŭnia zahinuła 36-hadovaja žycharka Mahilova. Žančyna patanuła, kupajučysia ŭ nieabstalavanym dla kupańnia miescy.
Žančyna pryjechała z mužam i dziciem u baćkoŭski dom u ahraharadok Narač, što ŭ Vilejskim rajonie. U niadzielu, kala 17:30, siamja razam z dačkoj i jaje siabroŭkaj adpravilisia na miascovuju raku. Pakul dzieci ploskalisia ŭ vadzie, darosłyja raśpivali śpirtnoje na bierazie, piša Kraj.by.
Paśla taho, jak dziaŭčynki pajšli dadomu, žančyna vyrašyła vykupacca. Pavodle słoŭ muža, padčas płavańnia jana pačała hublać siły, i jamu davodziłasia niekalki razoŭ dapamahać joj vybiracca z vady. Kali mužčynu spatrebiłasia adyści ŭ kramu, jon paprasiŭ svaju dačku pryhledzieć za maci.
Praź niejki čas dziaŭčynka ŭ panicy patelefanavała baćku, paviedamiŭšy, što maci tonie. Da momantu, kali jon prybieh, jaho žonka ŭžo znachodziłasia pad vadoj. Samastojnyja pošuki nie dali vynikaŭ, i mužčyna vyklikaŭ ratavalnikaŭ.
Vadałazy Tavarystva vyratavańnia na vodach dastali cieła zahinułaj z vady.
Śledčyja taksama paviedamili, što niezadoŭha da zdareńnia para vyratavała čałavieka, jaki vypaŭ z bajdarki.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary