Karal Naŭrocki byŭ aficyjna pryviedzieny da prysiahi jak prezident Polščy. Cyrymonija prajšła padčas pasiadžeńnia Nacyjanalnaha schodu. Paśla słoŭ prysiahi Naŭrocki aficyjna ŭstupiŭ na pasadu kiraŭnika dziaržavy, paviedamlaje Polskaje radyjo.
Naŭrocki pieramoh u druhim tury prezidenckich vybaraŭ, što adbylisia 1 červienia 2025 hoda, nabraŭšy 50,89% hałasoŭ. Jon bałatavaŭsia jak niezaležny kandydat pry padtrymcy partyi «Prava i spraviadlivaść». Jahonym sapiernikam byŭ mer Varšavy i kandydat ad «Hramadzianskaj kaalicyi» Rafał Tšaskoŭski, za jakoha prahałasavali 49,11% vybarcaŭ.
Adrazu paśla pasiadžeńnia Nacyjanalnaha schodu novy prezident razam z žonkaj Martaju Naŭrockaj pravioŭ pieršuju aficyjnuju sustreču z prezidyumami Siejma i Sienata.
Apoŭdni ŭ bazylicy śviatoha Jana Chryściciela prachodzić uračystaja imša za Ajčynu i kiraŭnika dziaržavy. A 14:00 u Karaleŭskim zamku projdzie cyrymonija inviestytury — uručeńnie prezidentu Polščy znakaŭ Vialikaha mahistra Ordena Biełaha Arła i Ordena Adnaŭleńnia Polščy.
Kamientary