Masiravanaja ataka dronaŭ i kryłatych rakiet pa Ukrainie: jość paciarpiełyja
Nočču 28 vieraśnia Rasija naniesła masiravany rakietna-dronavy ŭdar pa šerahu ŭkrainskich haradoŭ. Pad abstrełam apynulisia Kijeŭ, Zaparožža, harady Kijeŭskaj vobłaści. Pavodle paviedamleńniaŭ ukrainskich uładaŭ, u vyniku atak jość paciarpiełyja i značnyja razbureńni.
U noč z 27 na 28 vieraśnia rasijskija vojski nanieśli masiravany ŭdar pa Ukrainie z vykarystańniem bieśpiłotnikaŭ i kryłatych rakiet.
Na Zaparožžy adna z rakiet trapiła ŭ šmatpaviarchovy žyły dom, dzie ŭspychnuŭ pažar. Paviedamlajecca pra troch paciarpiełych. Taksama razburany vytvorčyja pamiaškańni adnaho z pradpryjemstvaŭ.
U Kijevie nastupstvy atak zafiksavany ŭ piaci rajonach. U Sałomienskim rajonie abłomki bieśpiłotnika paškodzili piacipaviarchovy dom, častka budynka razburana. U Hołasiejeŭskim rajonie całkam razburany pryvatny dom. U Dniaproŭskim rajonie traplańnie adbyłosia ŭ dach šmatpaviarchovika.
U Kijevie paranieny piać čałaviek.
Kijeŭskaja vobłaść taksama była pad atakaj. U Biełaj Carkvie zahareŭsia dach dzieviacipaviarchovaha doma, paškodžana šeść aŭtamabilaŭ.
U Fastaŭskim rajonie paciarpieli piać pracaŭnikoŭ chlebazavoda. Byŭ pažar.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ6
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary