U Finlandyi aficyjna adkryŭsia štab suchaputnych vojskaŭ NATO ŭ Paŭnočnaj Jeŭropie
Najbližejšy da miežaŭ Rasii štab vojskaŭ NATO dysłakavany ŭ horadzie Mikieli, za 140 kiłamietraŭ ad rasijskaj miažy i za 300 km ad Sankt-Pieciarburha. Jon pačaŭ pracavać 1 vieraśnia, a aficyjnaje adkryćcio adbyłosia siońnia, piša Bi-bi-si.
Štab uznačalvaje narviežac Uve Staursiet razam z kamandujučym finskaj armijaj hienierał-lejtenantam Pasi Vialimiaki. U mirny čas u štabie, jaki padparadkoŭvajecca štab-kvatery NATO ŭ Norfałku na ŭschodnim uźbiarežžy ZŠA, buduć pracavać kala 50 pastajannych supracoŭnikaŭ ź Finlandyi, Šviecyi, Narviehii, Danii, Niderłandaŭ, ZŠA i Vialikabrytanii.
Siarod zadač štaba ŭ Mikieli — kiraŭnictva suchaputnymi siłami NATA i kaardynacyja dziejańniaŭ nacyjanalnych suchaputnych vojskaŭ u paŭnočnym rehijonie, uklučajučy płanavańnie, padrychtoŭku i praviadzieńnie sumiesnych vučeńniaŭ aljansu.
Ministr abarony Anci Chakianien raniej kazaŭ, što źjaŭleńnie štaba ŭ Mikieli — heta sihnał Rasii pra toje, što «Finlandyja źjaŭlajecca paŭnapraŭnym členam NATA, i što NATA maje vialikaje značeńnie dla finskaj abarony».
Kamientary