Zbornaja Biełarusi pa futbole znoŭ prajhrała šatłandcam u adboračnym matčy. Zatoje choć raz zabili
Zbornaja Biełarusi pa futbole pad kiraŭnictvam Karłasa Ałasa prajhrała ŭ haściach kamandzie Šatłandyi, jakoj užo sastupała miesiac tamu ź likam 0:2. Hetym razam matč skončyŭsia ź likam 2:1 na karyść supiernikaŭ.
Lik u matčy na 15‑j chvilinie adkryŭ šatłandziec Če Adams. Taki lik trymaŭsia amal da samaha kanca matča, pakul na 84‑j chvilinie Skot Maktaminiej nie padvoiŭ pieravahu. Adzinaje, što ŭdałosia biełarusam — tolki zabić hoł prestyžu ažno na šostaj dadadzienaj arbitram da asnoŭnaha času chvilinie. Heta zrabiŭ 20‑hadovy Hleb Kučko.
U hetym matčy biełarusy, praŭda, vyhladali bolš upeŭniena, čym u raniejšych. Jany navat nanieśli bolš za supiernikaŭ — 19 suprać 11 — udaraŭ pa varotach, ale hałoŭnaha heta nijak nie mianiaje. Na rachunku zbornaj Biełarusi i paśla hetaha matča zastaŭsia raniejšy nul bałaŭ, i jana straciła navat čysta tearetyčnyja šancy ŭsio ž taki trapić u finalnuju častku čempijanatu śvietu 2026 hoda.
U listapadzie zbornaja Biełarusi praviadzie dva zaklučnyja matčy: 15‑ha jana na vyjeździe sustreniecca z datčanami, a 18‑ha praviadzie ŭmoŭna chatni pajadynak u Vienhryi suprać hrekaŭ.
Kamientary
Da i vsie dieniuhi potračieny na kakiej łukašienko....