Rabotnicy «Minsk-Areny» dali kałoniju za «sadziejničańnie ekstremizmu»
Nastaśsia Hryckievič, padobna, jašče adna z asudžanych pa spravie Hajuna. Jana nie anłajn z pačatku hetaha hoda, bo za kratami.
Nastaśsi Hryckievič 31 hod. Jana z Mazyra. Paśla škoły pastupiła ŭ Biełaruski dziaržaŭny ŭniviersitet fizičnaj kultury pa śpiecyjalnaści «turyzm i haścinnaść».
Nastaśsia pracavała ŭ «Minsk-Arenie», a taksama na roznych mierapryjemstvach i fiestyvalach u Minsku.
Dziaŭčyna lubić sport, asabliva chakiej. Viadzie aktyŭny ład žyćcia i šmat katajecca na rovary. Jašče adno jaje zachapleńnie — padarožžy. U sacsietkach jana vykładała fota ź niekalkich krainaŭ — Ispanii, Bałharyi, Izraila.
Data zatrymańnia Nastaśsi nieviadomaja. Apošni raz jana niešta pisała ŭ telehramie ŭ lutym 2025 hoda. I mienavita ŭ tym miesiacy aktyŭna išli aryšty pa spravie Hajuna.
Dziaŭčynu asudzili za «sadziejničańnie ekstremisckaj dziejnaści» (č. 1 i č. 2 art. 361‑4 KK) u Homielskim abłasnym sudzie. Joj pahražała da siami hadoŭ kałonii.
Z času zatrymańnia Hryckievič nidzie nie była anłajn. Miarkujučy pa hetym, joj prysudzili pakarańnie, źviazanaje z pazbaŭleńniem voli.
«Naša Niva» — bastyjon biełaruščyny
PADTRYMAĆ
Kamientary