Na Biełaruskaj univiersalnaj tavarnaj biržy ŭpieršyniu adbylisia tarhi, na jakich pradavali bananavaje piure. Pradukt zakupili dla patreb charčovaj pramysłovaści, paviedamili vydańniu Office Life pradstaŭniki biržy.
Abjom pakupki skłaŭ 300 ton na sumu 1,1 miljona rubloŭ. Heta adna z najbujniejšych ździełak u śfiery sadavina-aharodninnaj pradukcyi za hety hod. Pakupnikom stała biełaruskaja kampanija — vytvorca dziciačaha charčavańnia.
Bananavaje piure ŭklučyli ŭ śpis biržavych tavaraŭ pa prośbie biełaruskich pradpryjemstvaŭ charčovaj haliny. Raniej praź biržu ŭžo zakupali jabłyčnaje piure — u ahulnaj kolkaści 610 ton na sumu amal 2 miljony rubloŭ.
Ciapier pradaŭcami źjaŭlajucca biełaruskija kampanii, ale birža pracuje nad tym, kab pryciahnuć zamiežnych pastaŭščykoŭ, u tym liku z dalokich krain, uličvajučy rost popytu.
Kamientary