Ekanamistku z Žłobina, jakaja pracavała ŭ «Biełaruskaj cemientnaj kampanii», asudzili za Hajun
Taćciana Łukjancava ŭ 2022‑m šukała pracu ŭ Jeŭrasajuzie. Ale zastałasia ŭ Biełarusi.
Pra sud nad joj stała viadoma sa «śpis ekstremistaŭ», jaki viadzie MUS.
Taćcianie Łukjancavaj 39 hadoŭ. Jana z Žłobina. U 2003‑m skončyła škołu, paśla — kaledž. Pierajechała ŭ Minsk i pracavała kasirkaj u Pryjorbanku. Paralelna vučyłasia na ekanamista ŭ Biełaruskim dziaržaŭnym ekanamičnym univiersitecie, jaki skončyła ŭ 2011-m.
Apošnim časam žyła ŭ Pryłukach — ahraharadku pad Minskam.
Apošniaje viadomaje miesca jaje pracy — kiraŭničaja kampanija chołdynha «Biełaruskaja cemientnaja kampanija».
Pracavała jana ŭ MTS i inšych pryvatnych kampanijach jak ekanamistka.
Taćciana viadzie aktyŭnaje žyćcio. Miarkujučy pa jaje sacsietkach, jana lubić kancerty i teatr, udzielničaje ŭ dabračynnych marafonach, chadziła na kastynh šou «Faktar.baj».
U 2022‑m Łukjancava chacieła vyjechać pracavać u Jeŭrasajuzie. Razhladała Polšču i Ispaniju. Ale ŭ vyniku zastałasia ŭ Biełarusi.
Taćcianu Łukjancavu asudzili ŭ kastryčniku 2025 hoda pa dvuch artykułach — «sadziejničańnie ekstremisckaj dziejnaści» (č. 1 i č. 2 art. 361‑4 KK) i «ŭdzieł u dziejańniach, jakija hruba parušajuć hramadski paradak» (č. 1 art. 342 KK). Joj prysudzili chatniuju chimiju i dadali ŭ «śpis ekstremistaŭ».
Sutnaść abvinavačańniaŭ nieviadomaja, ale chutčej za ŭsio zatrymańnie dziaŭčyny było źviazana sa spravaj Hajuna. Padobna, što da suda jana była ŭ SIZA.
Masavyja palityčnyja represii ŭ Biełarusi praciahvajucca z 2020 hoda.
Tady Alaksandr Łukašenka prajhraŭ Śviatłanie Cichanoŭskaj, ale nie addaŭ uładu.
Pa słovach hienieralnaha prakurora Andreja Švieda, tolki da kastryčnika 2023 hoda było zaviedziena bolš za 16 tysiač kryminalnych spraŭ «ekstremisckaj skiravanaści», heta značyć, palityčnaha charaktaru.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
Sprava Hajuna razhortvajecca z taho času, jak siłaviki zatrymali adnu z administratarak telehram-kanała «Biełaruski Hajun», jaki śpiecyjalizavaŭsia na adsočvańni pierasoŭvańniaŭ rasijskich vojskaŭ u krainie. Usich, chto paviedamlaŭ jamu infarmacyju, ciapier zatrymlivajuć pa miery rasšyfroŭki zdabytych siłavikami danych.
«Naša Niva» — bastyjon biełaruščyny
PADTRYMAĆCiapier čytajuć
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary
[Zredahavana]