Učarašni ŭdar ukrainskich dronaŭ pa Navarasijsku pryvioŭ da značnych strat u rasijskaj SPA
Spadarožnikavyja zdymki śviedčać, što byli źniščanyja čatyry puskavyja ŭstanoŭki zienitnaha kompleksu S-400 «Tryumf», jakija znachodzilisia na terytoryi vajskovaj čaści, a taksama dva važnyja radyjołakatarnyja kompleksy — radar rańniaha vyjaŭleńnia 96N6 i radar naviadzieńnia 92N6. Pra heta piša «Ukrainskaja praŭda» na padstavie svaich krynic u Słužbie biaśpieki Ukrainy.
Paviedamlajecca, što ŭsiaho ŭ hetym rajonie raźmiaščałasia kala 12 ustanovak S-400, i ź vialikaj vierahodnaściu častka ź ich taksama mahła paciarpieć ad ataki.
Apieracyju pravodziła SBU pry padtrymcy inšych sił biaśpieki i abarony Ukrainy.
Raniej paviedamlałasia, što ŭ vyniku načnoha ŭdaru dronaŭ była paškodžanaja naftavaja i partovaja infrastruktura Novarasijska, u tym liku naftaschovišča, terminał i prybiarežnyja abjekty.
Paśla ataki ŭ śviecie vyraśli ceny na naftu, a port časova spyniŭ ekspart naftapraduktaŭ.
Kamientary