Bolš za 150 uźbiekskich fur abjechali zakrytuju litoŭskuju miažu praz Łatviju
Bolš za 150 uźbiekskich hruzavikoŭ, jakija zatrymalisia na miažy Biełarusi i Litvy, zdoleli praciahnuć tranzit praz Łatviju. Pra heta paviedamili ŭ pres-słužbie Mintranspartu Uźbiekistana.
Va ŭmovach zakrytaj miažy ź Litvoj Uźbiekistanu ŭdałosia damovicca z Łatvijaj ab tym, kab pieravozčyki z trecich krain mahli praciahnuć rejsy praz Łatviju. Dazvoły na tranzit vydavali ŭ Połacku i pahraničnaj zonie Zarasaj — Miedumi (Litva — Łatvija) z 12 pa 15 listapada.
A z 17 listapada pieravozčyki z Uźbiekistana, jakija pracujuć na jeŭrapiejskim napramku, mohuć atrymlivać takija «dazvoły» na padstavie zajaŭ, padadzienych praź sistemu E-Permit. Mahčymaściu praciahnuć dastaŭku tavaraŭ skarystalisia bolš za 150 uźbieckich fur. Pavodle infarmacyi Ministerstva transpartu, ahułam pieravozčykam z Uźbiekistana vydali 229 błankaŭ takich dazvołaŭ.
Litva 29 kastryčnika pierastała prapuskać transpart praź miažu ź Biełaruśsiu da 30 listapada. U adkaz u Biełarusi abmiežavali pierasoŭvańnie litoŭskich fur pa svajoj terytoryi. A 10 listapada ŭ našaj krainie časova prypynili vyjezd hruzavikoŭ ź litoŭskimi numarami praź biełaruskija punkty propusku. Siońnia ŭrad Litvy moža pryniać rašeńnie ab adkryćci miažy.
Kamientary