Грамадства6262

Краўцоў пра першую прэс-канферэнцыю Бабарыкі і Калеснікавай: Спрэчку раздзьмувалі выключна ў фэйсбуку, Лосік той жа

Першая прэс-канферэнцыя вызваленых палітзняволеных з удзелам Віктара Бабарыкі і Марыі Калеснікавай нарабіла шуму: абыякавых сярод тых, хто яе паглядзеў, здаецца, не засталося. 

Адны накінуліся на палітычных лідараў з крытыкай: маўляў, нельга было пасля ўсяго перажытага дзякаваць Лукашэнку і тым больш дэманстраваць пазіцыю «не ўсё так адназначна» па вайне ва Украіне (яшчэ і знаходзячыся на яе тэрыторыі). Другія ж абаранялі ўчорашніх вязняў: людзі пяць гадоў правялі ў рэжыме інфаблакады, дайце ім час.

Член каманды Віктара Бабарыкі Іван Краўцоў лічыць, што канферэнцыя прайшла абсалютна нармальна.

«Спрэчку раздзьмувалі выключна ў фэйсбуку, Ігар Лосік той жа асобна, а таксама ў СМІ, якія шчыльна сочаць за тым жа фэйсбукам. Мне падаецца, што гэта досыць штучная з’ява: большасці людзей у Беларусі было абсалютна ўсё роўна, як і ўкраінскай аўдыторыі, бо ва ўкраінскіх СМІ ніхто так не крытыкаваў», — пракаментаваў «Нашай Ніве» Іван Краўцоў.

Іван Краўцоў. Фота: Офіс Святланы Ціханоўскай

Краўцоў заўважае, што за пяць гадоў у мігранцкім асяроддзі сфармаваўся досыць радыкальны погляд на тое, як павінен паводзіць сябе апазіцыйны беларускі палітык і на якія кропкі ціснуць, а на якія — ні ў якім разе.

«Нас усё гэта (падобныя каментары і рэакцыі — НН), па праўдзе кажучы, не вельмі моцна турбуе. Нас значна больш турбуе, каб яны прыйшлі ў парадак і вызначыліся з тым, чым яны далей у жыцці будуць займацца. Гэта куды больш важная рэч — каб яны знайшлі сабе прадуктыўную будучыню».

Варта адзначыць, што на другі дзень пасля вызвалення падчас сустрэчы з прэзідэнтам Украіны Уладзімірам Зяленскім і Марыя Калеснікава, і Віктар Бабарыка выказалі сваю салідарнасць з Украінай.

«Мы вас падтрымліваем. Мы не ўяўляем, як гэта неймаверна складана, калі ў стане вайны, адбываецца такая масаваная атака і агрэсія з боку Расіі, як цяжка вам з гэтым спраўляцца і вы ўсё адно знаходзіце магчымасць нас падтрымліваць», — сказала падчас таго званка Марыя Калеснікава.

Бабарыка, у сваю чаргу, сказаў Зяленскаму: «Усе мы адзіныя ў ацэнцы гэтай пазіцыі: вы пакутуеце, вы зазналі агрэсію, і вы цалкам маеце рацыю: свабода і жыццё людзей, якія аддалі за яе жыццё — найважнейшае. І яна павінна перамагчы».

«Наша Нiва» — бастыён беларушчыны

ПАДТРЫМАЦЬ

Каментары62

  • Большасць людзей ў Беларусі
    16.12.2025
    А хто такі гэты Крівцов?
  • Morning
    16.12.2025
    член каманды Віктара Бабарыкі ?
  • Ну
    16.12.2025
    "Нас усё гэта .. не вельмі моцна турбуе."
    Я бег за вамі 5 кварталаў, каб сказаць, як вы мне абыякавы.)
    "..каб яны прыйшлі ў парадак"
    Краўцоў, "яны" - гэта хто? Острокопытные?
    "..чым яны далей у жыцці будуць займацца"
    Ну, ўжо дакладна не працягваць глядзець з любоўю і адданасцю на Ўсход

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць