Žychar Mahilova zabiŭ maci dvaich dziaciej u ich na vačach, jaho abvinavacili praz 20 hadoŭ
U lutym 2005 hoda mužčyna pryjšoŭ u kvateru 27‑hadovaj žančyny, kab abmierkavać adterminoŭku viartańnia hrošaj za majomaść, jakuju raniej jon skraŭ u jejnaha muža. Razmova skončyłasia kanfliktam: žančyna zajaviła, što źvierniecca ŭ milicyju.
Tady mužčyna vychapiŭ nož i nanios žančynie nie mienš za 30 udaraŭ. Zabojstva adbyvałasia ŭ prysutnaści jaje dziaciej — adnaho i čatyroch hod. Ad atrymanych traŭm žančyna pamierła na miescy.
Na nastupny dzień cieła žančyny znajšoŭ jejny muž. Pobač z zahinułaj siadzieła starejšaje dzicia.
Kab schavać ślady złačynstva i advieści ad siabie padazreńni, abvinavačany insceniravaŭ rabavańnie: raskinuŭ rečy ŭ kvatery i pazbaviŭsia ad adzieńnia i abutku, u jakich znachodziŭsia padčas zabojstva. U 2005—2006 hadach jon užo prachodziŭ pavodle hetaj spravy, adnak tady dovadaŭ viny było niedastatkova.
Rasśledavańnie nie spyniałasia ŭsie hetyja hady. Urešcie ŭdałosia sabrać novyja dokazy datyčnaści mahiloŭca da złačynstva.
Prakuratura vobłaści pryznała abvinavačańnie abhruntavanym i pahadziłasia z kvalifikacyjaj dziejańniaŭ pavodle p. 6 č. 2 art. 139 KK Biełarusi — zabojstva, učynienaje z asablivaj žorstkaściu.
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu9
Kamientary