Na Wildberries ciapier možna budzie pierapradavać i rečy, kuplenyja ŭ inšych miescach
Markietpłejs Wildberries pašyryŭ mahčymaści svajho servisu pieraprodažu tavaraŭ. Ciapier karystalniki mohuć pradavać tut adzin adnamu nie tolki rečy, nabytyja na hetaj placoŭcy, ale i tyja, što byli kuplenyja ŭ inšych miescach.
Raździeł «Resiejł» źjaviŭsia ŭ mabilnym dadatku markietpłejsa jašče letam minułaha hoda. Spačatku praź jaho možna było pierapradavać novyja abo ŭžyvanyja tavary, ale tolki pry ŭmovie, što jany pieršapačatkova byli nabytyja na Wildberries. Ale paśla testavaha pieryjadu kampanija dazvoliła raźmiaščać abjavy i na tavary, kuplenyja pa-za miežami markietpłejsa.
Asnoŭnyja ŭmovy zastalisia raniejšymi: apłata adbyvajecca asobna ad inšych pakupak, nieabchodnaja 100‑pracentnaja pieradapłata, a atrymać tavar možna ŭ punkcie vydačy Wildberries.
Razam z tym isnujuć abmiežavańni. Praz hety servis nielha pradavać bujnahabarytnyja tavary, techniku, juvielirnyja vyraby, leki, pradukty charčavańnia, raśliny, ałkahol i tavary katehoryi 18+.
Ciapier, darečy, u Biełarusi płanujecca źnižeńnie mytnych pošlin na kupli z zamiežnych markietpłejsaŭ — ich pamier skaracili ŭtraja, što moža zrabić zamovy z-za miažy bolš vyhadnymi.
Kamientary