На Wildberries цяпер можна будзе перапрадаваць і рэчы, купленыя ў іншых месцах
Маркетплэйс Wildberries пашырыў магчымасці свайго сэрвісу перапродажу тавараў. Цяпер карыстальнікі могуць прадаваць тут адзін аднаму не толькі рэчы, набытыя на гэтай пляцоўцы, але і тыя, што былі купленыя ў іншых месцах.
Раздзел «Рэсейл» з’явіўся ў мабільным дадатку маркетплэйса яшчэ летам мінулага года. Спачатку праз яго можна было перапрадаваць новыя або ўжываныя тавары, але толькі пры ўмове, што яны першапачаткова былі набытыя на Wildberries. Але пасля тэставага перыяду кампанія дазволіла размяшчаць аб’явы і на тавары, купленыя па-за межамі маркетплэйса.
Асноўныя ўмовы засталіся ранейшымі: аплата адбываецца асобна ад іншых пакупак, неабходная 100‑працэнтная перадаплата, а атрымаць тавар можна ў пункце выдачы Wildberries.
Разам з тым існуюць абмежаванні. Праз гэты сэрвіс нельга прадаваць буйнагабарытныя тавары, тэхніку, ювелірныя вырабы, лекі, прадукты харчавання, расліны, алкаголь і тавары катэгорыі 18+.
Цяпер, дарэчы, у Беларусі плануецца зніжэнне мытных пошлін на куплі з замежных маркетплэйсаў — іх памер скарацілі ўтрая, што можа зрабіць замовы з-за мяжы больш выгаднымі.
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары