Niezvyčajny hulniavy pakoj dla małych dziaciej źjaviŭsia ŭ 4‑j haradskoj dziciačaj kliničnaj paliklinicy.
Jon padychodzić jak dla hulniaŭ, tak i dla raźvićciovych zaniatkaŭ. Pakoj stvaraŭsia dla dziaciej da troch hadoŭ, u tym liku z asablivaściami psichafizičnaha raźvićcia, u tym liku z aŭtyzmam, piša Tochka.by.
Sensarny pakoj dla miedycynskaj ustanovy stvaryła kampanija Bremor — za ŭłasny košt adramantavała pamiaškańnie, zakupiła abstalavańnie i pastaviła hulniavyja kompleksy. Na ŭsio spatrebiłasia bolš za dva miesiacy.
«Raniej hulniavyja pakoi byli pryznačany tolki dla kamfortnaha baŭleńnia času dziaciej u balnicy, adnak my bačym patrebu ŭ pašyreńni farmatu. Sensarny hulniavy pakoj na bazie kliničnaj dziciačaj palikliniki Minska budzie adyhryvać važnuju rolu ŭ pracesie karekcyjnych zaniatkaŭ z małymi, tamu ŭ prajekcie my pastaralisia ŭličyć usie zapyty śpiecyjalistaŭ», — raspaviała dyrektar pa markietynhu kampanii Alesia Jelina.
Hulniavy pakoj aformili ŭ jarkich kolerach ź jarkimi malunkami na ŭsiu ścianu. Jość taksama raźvivalnyja miakkija kanstrukcyi, śpiecyjalnaje abstalavańnie i hulni. Usio heta dazvolić zaŭvažać asablivaści psichafizičnaha raźvićcia na rańnich stadyjach, što vielmi važna.
«Mienavita svoječasovaja rańniaja dapamoha značna źnižaje ciažkaść parušeńniaŭ raźvićcia ŭ budučyni, vystupaje padmurkam dla farmiravańnia bolš składanych navykaŭ i spryjaje adaptacyi asablivych dziaciej u hramadstvie», — adznačyli ŭ centry.
Roznakalarovyja moduli dla suchoha basiejna, miačyki roznych pamieraŭ i tekstur, valiki z hranułami i bałansiry vydatna stymulujuć orhany pačućciaŭ, a hulniavyja kamplekty z roznymi napaŭnialnikami i masažory dobra raźvivajuć taktylnyja adčuvańni.
Raniej sučasnyja prastory ad kampanii Bremor źjavilisia ŭ Bresckaj dziciačaj abłasnoj balnicy, sacyjalna-piedahahičnym centry Bresta, 3‑j haradskoj dziciačaj kliničnaj balnicy Minska i dziciačaj haradskoj balnicy ŭ Baranavičach.
Ciapier čytajuć
Jak Ksiuša z SMA apynułasia ŭ Domie dziciaci pry žyvoj mamie? Voś što kaža sama maci6
Kamientary